Matthew 8:16 - The New Testament in Islander Creole

¹⁶ Wen iivnin kom dong, di nieba dehn ker plenty pipl weh wehn gat iin bad spirit tu im. Ahn Jesus ron out di bad spirit dem wid wan wod, ahn ihn kyuor wan paila sik pipl tu.

Matthew 8:16 Iomraidhean Croise

Matthew 12:22

Den dehn ker wan man weh kudn si nar taak, sieka wan bad spirit weh ihn wehn gat iin. Ahn Jesus kyuor im ahn mek ihn taak ahn si agen!

Matthew 14:14

Wen Jesus get outa di buot, ihn si wan huol paila pipl ahn ihn get sary fi dem, so ihn kyuor aala dem weh wehn sik.

Matthew 8:15

So Jesus toch ihn han, ahn di fiiva gaan fahn im. Ahn den di uman get'op ahn staat kuk som fuud fi im!

Matthew 8:33

Afta dis hapm, di man dem, weh wende main di hag dem, ron bak dah di sity, gaan tel evryting weh wehn hapm, speshaly wat wehn hapm tu di man dem weh wehn gat iin di paila bad spirit.

Matthew 9:2

Afta ihn get bak deh, som pipl wende ker wan man weh wehn paralaiz —weh kudn muuv ataal— pahn wan strecha. Wen Jesus si ho moch fiet dehn wehn gat iina ihn powa, ihn seh tu di man weh wehn paralaiz, “No wory, mi son, Ah paadn yo sin dem.”

Mark 2:3

Wail dah taim kom, four man kom dehso, deh ker wan man weh wehn paralaiz —weh kudn muuv ataal— pahn wan strecha,

Mark 5:8

Di man seh dis, bikaaz Jesus wehn tel im seh, “Bad spirit, kom outa di man!”

Mark 9:25

Wen Jesus si seh di kroud wende ron ahn pail op, ahn wende get nier tu dem, ihn aada di bad spirit seh: “Def ahn Dom Spirit, Ah aada yu fi kom outa di bwai, ahn neva go bak iina im agen.”

Luke 13:12

So wen Jesus si'im, ihn kaal im tu im ahn seh, “Uman, yo get kyuor fahn yo siknis!”

Luke 4:40

Lieta, wen di son staat go dong, di pipl dehn bring evrybady huu wehn gat aal kain a siknis tu Jesus. Ihn put ihn han pan evry wan a dem, ahn ihn kyuor aala dem.

Luke 4:41

Ahn ihn ron out plenty bad spirit outa plenty pipl, ahn di spirit dem baal out seh, “Yuu dah God Son!” Bot Jesus tel dem fi les naiz, bikaaz dehn wehn nuo seh him dah wehn di Mesaya.

Acts 5:15

Ahn sieka weh di apasl dem wende du, di pipl dem kiip aan deh ker dehn sik outa duo iina di ruod pahn bed ahn strecha, so at liis Peter shaduo kuda paas uova som a dem, wen ihn wende paas bai.