Matthew 8:11 - The New Testament in Islander Creole

¹¹ Fi chruut, plenty pipl weh dah no Jew gwain kom fahn iis ahn wes, ahn dehn gwain sidong fi iit wid fi wi ansesta Abraham, Isaac, ahn Jacob iina di Kingdom a Hevn.

Matthew 8:11 Iomraidhean Croise

Matthew 21:41

Dehn seh tu im, “Ihn gwain mek demya uova bad man get wan kruwil det. Ahn den ihn gwain rent di grong tu som ada man weh wi gi'im fi him shier wen di taim kom.”

Matthew 24:31

Ahn ihn gwain sen out ihn ienjel dem wid wan big trompit ahn dehn gwain gyada tugeda dem weh God don chuuz fahn aal uova di worl, fahn wan en tu di ada en.

Matthew 3:2

“Ripent, bikaaz dah taim now; God deh kom fi ruul!”

Matthew 8:10

Wen Jesus hier dis, ihn wehn sopraiz ahn seh tu dem weh wende fala im, “Ah deh tel unu di chruut: Ah neva si soch big fiet laik dis bifuor mongs wi Israel pipl dem.

Luke 12:37

Ih gwain gud fi dem, wen di maasta fain dem redy deh wiet fi wen ihn kom bak. Ah deh tel unu: di maasta gwain put aan wan iepran ahn mek dem sidong fi iit, ahn sorv dem ihnself.

Luke 16:22

“Wel, ih hapm seh di puor man ded, ahn di ienjel dem ker im saida Abraham. Den di rich man ded tu, ahn dehn ber im.

Acts 10:45

Bot di Jewish biliiva weh huol haad tu di Laa, ahn weh wehn gaan wid Peter, wehn uova sopraiz wen God gi di gif a di Holy Spirit tu di pipl dem weh dah neva Jew tu,

Acts 11:18

Now, wen dem weh huol haad tu Moses Laa hier dis, dehn neva gat notn muo fi seh, ahn dehn priez God deh seh, “Den, God mek di Gentile pipl dem gat di siem chaans laik wi Jew fi ton fahn dehn sin dem ahn liv fareva, no chruut?”

Acts 14:22

Dehn gaan, gaan strentn ahn inkorij di biliiva dem fi dehn stan op strang fi dehn fiet. Ihn tel dem seh, “Wi hafy sofa plenty trobl iina disya laif fi go iina God Kingdom.”

Acts 14:27

So, wen dehn get dah Antioch, Paul ahn Barnabas gyada aal di biliiva dem tugeda ahn tel dem bout aal weh di Laad wehn du chruu dem, ahn how di Laad mek wan wie fi di Gentile pipl chros iina him tu.

1 Corinthians 15:20

Bot Christ wehn riez'op bak fahn di ded, bredrin! Dah him dah di fos wan fi riez'op bak, outa wan huol paila pipl weh wehn don ded aredy!

1 Corinthians 6:9

Tel mi now: Unu no nuo seh aal di wikid pipl dem no gwain gat non paat iina God Kingdom? No fuul'op unuself! Aala demde kain a pipl weh waaship di aidal dem, ahn demde kain a pipl weh sliip roun ahn weh gat ada uman wid dehn waif, or ada man wid dehn hozban; ahn demde kain a man weh sliip wid nada man;

Ephesians 3:6

Ahn dis dah di siikrit plan weh God neva shuo nonbady til now: Wen di Gentile pipl biliiv di Gud Nyuuz, den God gwain gi dem di siem blesin dem jos laik weh fi him Jewish pipl dehn gwain get. Aala dem tugeda kom fi bilang tu wan bady, ahn dehn gwain get di siem rich blesin dem, weh God wehn pramis chruu Christ Jesus.

Colossians 3:11

So, ih no mata if unu dah Jew or no wan Jew, or if unu sorkomsaiz or unu no sorkomsaiz. Ih no mata if unu edyukietid or on'edyukietid; if unu dah wan farina, wan sliev, or wan porsn weh frii. Aal weh mata dah Christ, ahn dat him deh liv iina unu!

2 Thessalonians 1:5

Aala dis shuo seh God joj rait aal di taim, ahn bikaaz a dat, ihn gwain mek unu fit fi bii wan paat a fi him Kingdom, weh unu deh sofa fah.

Revelation 7:6

Den, dehn siil twelve thousand fahn Asher traib, twelve thousand fahn Naphtali traib, ahn twelve thousand fahn Manasseh traib.