Matthew 7:6 - The New Testament in Islander Creole

⁶ “Uno no fi tek somting weh huoly, ahn chruo'ih fronta di wail daag dem; niida fi chruo unu prity porl biidz fronta di hag dem, bikaaz aal di hag dehn gwain du dah waak aal uova dem, ahn di daag dem gwain ton roun ahn bait unu.

Matthew 7:6 Iomraidhean Croise

Matthew 15:26

Jesus ansa im, “Fos tingz fos; ih no gud fi tek di pikniny dehn bred ahn chruo'ih, gi di popy dem.”

Matthew 24:10

Den, plenty pipl gwain stap fala mi ahn dehn gwain bad-diil wan anada ahn hiet'op wan anada tu.

Matthew 7:5

Unu dah som riil hipokrit! Fos unu fi tek di big piis a wuud outa unu uon ai; den unu gwain si beta fi tek di straa outa unu breda ai.

2 Corinthians 11:26

Ah wehn aalwiez deh travl, ahn so Ah wehn iina dienja fahn plenty riva tu. Ah wehn iina dienja fahn tiif, fahn mi uon pipl dem, ahn fahn demde pipl weh dah no Jew tu. Ah wehn iina dienja iina di sity, lang di kontry-said, ahn pahn di sii. Ahn Ah wehn iina dienja iivn fahn faals bredrin.

Philippians 3:2

Unu fi wach out fi demde daag —dehn wikid pipl weh laik kot'op dehn bady. Dehn insis seh unu hafy get sorkomsaiz,

Hebrews 10:29

Wel den, unu tink dah ho moch muo wosa di ponishment gwain bii fi demde pipl weh stamp'op pahn di Son a God ahn triit ihn blod bad —dah siem blod weh ihn shed az paat a di pramis— laik if dah somting chiip! Pipl weh du dat, riily insolt di Holy Spirit weh bring God morsy!

Hebrews 6:6

Ih impasabl fi bring dem bak agen fi mek dem ton fahn dehn sin dem, bikaaz dah jos laik dehn deh niel di Son a God pahn di kraas aal uova agen. Ahn dehn deh mek di pipl dem luk dong pan im, ahn tek im mek papishuo!

2 Peter 2:22

Weh hapm tu dem pruuv seh, di seyin dem dah chruut weh seh: “Wan daag gwain go bak tu ihn uon vamit ahn lik'ih op.” Ahn, “Wan pig weh yo wash, gwain go bak ahn ruol iina di mod agen!”

Revelation 22:15

Bot, di wikid pipl dem weh dah laik daag, dehn gwain stie outsaida di sity. Demde dah dehn pipl weh deh du uobya, ahn demde pipl weh deh sliip roun, demde pipl weh deh kil, demde pipl weh deh waaship di aidal dem, ahn aala dehn pipl weh lov fi tel lai, ahn kiip aan deh tel lai!