Matthew 7:21 - The New Testament in Islander Creole

²¹ “Dah no evrybady weh kiip deh kaal mi, ‘Laad, Laad’ gwain get iina di Kingdom a Hevn, ongl di wan weh kiip deh du wat mi Faada iina hevn waahn ihn fi du.

Matthew 7:21 Iomraidhean Croise

Matthew 12:50

Bikaaz enybady weh du weh mi Faada iina hevn seh ihn fi du, dah mi breda, mi sista ahn mi muma.”

Matthew 16:17

Den Jesus seh tu im, “If yuu wehn ongl nuo how bles yo bles, Simon, Jonah son! Bikaaz nonbady neva mek yo andastan dis; dah mi Faada iina hevn du'ih.

Matthew 18:10

“Mek shuor seh unu no luk dong pahn wan a demya likl wan laik dem weh no impuotant, bikaaz Ah deh tel unu di chruut: Op iina hevn fi dem ienjel aalwiez deh luk pahn di fies a mi Faada weh dedeh.

Matthew 18:19

Apaat fahn dat, Ah deh tel unu seh if two a unu grii fi aks di Laad fi somting, unu gwain get'ih chruu mi Faada iina hevn.

Matthew 18:3

Ahn ihn seh tu dem, “Hier dis chruut weh Ah deh tel unu: if unu no chienj unu wiez ahn stan laik di likl pikniny dem, unu no gwain get iina di Kingdom a Hevn.

Matthew 18:35

Den Jesus seh tu dem, “Dis dah how mi Faada iina hevn gwain triit unu if unu no paadn unu breda dem fahn dong iina unu haat.”

Matthew 19:24

Ah deh tel unu agen, ih muo iiziya fi wan kyamil paas chruu wan niigl ai, an fi wan rich man get iina God Kingdom.”

Matthew 25:10

So wail dehn gaan bai'ih, di man weh gwain get marid kom ahn dem weh wehn redy gaan iin wid im dah di wedn paaty, ahn dehn shet di duo.

Matthew 25:21

So ihn maasta seh tu im, ‘Gud work man, yuu dah wan gud sorvant weh Ah kyan chros iina! Sins Ah kuda chros yo wid so likl bit a mony, Ah gwain put yo inchaaj a wan big amount now. Kom so selibriet yo maasta hapinis!’

Matthew 26:39

Den Jesus gaan likl forda ahed fahn weh dehn deh, ahn ihn drap dong pahn ihn fies ahn staat prie, “Mai Faada, if yuu waahn, mek Ah no sofa aala dis. Stil yet, dah no weh Ai waahn; dah weh yuu waahn Ah gwain du.”

Matthew 26:42

So fi di sekant taim Jesus gaan prie, ahn seh, “Mai Faada, if dis kop a sofarin kyaahn paas fahn mi eksep Ah drink'ih, den mek weh yo waahn hapm, hapm.”

Mark 3:35

Enybady weh du weh God seh ihn fi du, dah mi breda, mi sista, ahn mi muma.”

Mark 9:47

If yu go ahed deh sin wid yo ai, beta yu liv laik sombady weh gat ihn ai dig out, bikaaz ih beta fi yu go iina God Kingdom laik sombady wid one ai, insida fi gat yo two ai ahn go dah hel.

Luke 11:28

Bot Jesus ansa ahn seh, “Bot beta fi dem weh hapy deh hier God Wod, ahn obie ih!”

Luke 13:25

Wen di uona a di hous get'op ahn lak di duo, ih gwain tuu liet. Ahn den, dem weh neva get iin, gwain deh stan op outa duo deh nak ahn deh beg, ‘Laad, uopm di duo fi wi no!’ Bot ihn gwain ansa dem seh, ‘Ah neva nuo unu, nar weh unu kom fram ataal.’

Luke 18:25

Muo an dat, ih muo iiziya fi wan kyamil paas chruu wan niigl ai an fi wan rich man get iina God Kingdom.”

Luke 6:46

“Wai unu deh kaal mi, ‘Laad, Laad,’ wen unu no deh du weh Ah tel unu fi du?

John 14:7

If unu riily nuo mii, den unu gwain nuo mi Faada tu. So fahn now aan unu nuo him fi chruut ahn unu don si him aredy.”

John 15:23

“Enybady weh hiet mii, hiet mi Faada tu.

John 3:5

Jesus tel im, “Hier dis chruut weh Ah deh tel yo: nonbady kyaahn bii wan paat a God Kingdom eksep dehn baan chruu waata, ahn chruu di Holy Spirit.

John 5:17

Bot Jesus ansa dem seh, “Mi Faada neva stap deh help di pipl dem wen dehn niid, ahn Ai gwain help dem tu.”

John 6:40

Aala dem, weh si di Son ahn chros iina im, gwain liv wid God fareva; ahn Ah gwain riez dem op fahn di ded pahn di laas die. Dat dah weh mi Faada waahn.”

John 7:17

Enybady wilin fi du weh him waahn dem fi du, gwain nuo weda di tingz dem weh Ah deh tiich dah fahn God or dah mi uon ting.

Acts 14:22

Dehn gaan, gaan strentn ahn inkorij di biliiva dem fi dehn stan op strang fi dehn fiet. Ihn tel dem seh, “Wi hafy sofa plenty trobl iina disya laif fi go iina God Kingdom.”

Romans 12:2

Unu no fi liv laik demde pipl iina disya worl. No du weh dehn du nontaim. Insida dat, unu fi mek God chienj di wie unu tink, so dat evryting weh unu du, kyan chienj tu. Den, dat gwain mek unu nuo weh God waahn, weh gud ahn weh gwain pliiz im. Ahn unu gwain nuo egzakly how unu shuda liv.

Romans 2:13

Jos bikaaz som pipl get fi hier weh di Laa seh, dat no mek dem rait wid God. Bot dem weh du weh di Laa seh, dah dem weh stan rait iina God sait.

Ephesians 6:6

So, unu no fi work gud ongl wen unu maasta deh wach unu, fi mek unu uonself luk gud. Bot, bikaaz unu dah wan sorvant a Christ, unu fi du weh God waahn wid aala unu haat!

Colossians 4:12

Epaphras, weh dah fahn fi unu gruup ahn weh deh sorv Christ Jesus, sen ihn griitin tu. Aal di taim ihn deh prie fi unu wid aala ihn haat. Ihn deh prie seh unu gwain neva stap deh chros iina God, ahn dat unu gwain stan strang far im iina evryting, ahn dat unu gwain nuo aal weh ihn waahn unu du, ahn den unu wi du'ih.

1 Thessalonians 4:3

God waahn unu bii huoly, so unu fi kiip weh fahn aal sin weh gat fi du wid seks.

1 Thessalonians 5:18

No kier weh hapm, unu fi aalwiez gi God tanks, bikaaz unu dah wan wid Christ Jesus! Dis dah weh fi wi Faada God waahn unu fi du.

Titus 1:16

Dehn seh dehn nuo God, bot aal di tingz weh dehn deh du, shuo seh dehn no nuo im ataal. Dehn wikid, ahn dehn no pie non main tu weh God tel dem fi du. So, dehn no fit fi du notn gud ataal!

Hebrews 4:6

Now di res weh God wehn pramis, deh rait deh fi demde pipl weh God lou fi get'ih. Bot demde pipl, weh wehn fos hier di Gud Nyuuz, neva get'ih sieka dehn neva chros weh God wehn seh.

James 1:22

Main, unu no fuul'op unuself, ahn jos lisn tu God Wod. Unu hafy du weh ih seh unu fi du tu!

1 Peter 2:15

God waahn unu fi du weh gud, so dat unu kyan shet op demde kain a man weh no nuo notn ahn laik taak fuulishnis.

1 Peter 4:2

Fahn yah go bak, unu niid fi liv di res a unu laif yah pahn ort deh du weh God waahn unu fi du, ahn no weh unu fiil fi du.

Revelation 2:27

‘Dah dem weh gwain ruul uova demde nieshan wid wan aiyan rad, ahn dehn gwain brok dem op iina piisiz jos laik wan mod pat.’ Ai gwain gi dem atarity jos laik weh mi Faada gi mii.

Revelation 22:14

So den, God gwain bles aala demde pipl weh wehn wash dehn kluoz iina di blod fahn di Lam fi mek dehn kliin, bikaaz dehn gwain get di rait fi go chruu di giet dem iina di sity. Ahn dehn gwain gat di rait fi iit fahn di trii weh deh gi laif.

Revelation 3:5

Ahn jos laik dem, aal di pipl dem weh stan strang afta Satan don trai dem, gwain wier wait kluoz tu. Ah no gwain tek dehn niem fahn outa di Buk a Laif. Ahn wen Ah stan fronta mi Faada ahn ihn ienjel dem, Ah gwain seh dem dah fi mi fi chruut.