Matthew 7:13 - The New Testament in Islander Creole

¹³ “Gwaan iin chruu di naro giet. Bikaaz di ada giet waid ahn di ruod big nof fi ker yo tu distrokshan, ahn plenty pipl deh go iin chruu'ih.

Matthew 7:13 Iomraidhean Croise

Matthew 23:13

Den Jesus kantinyo deh seh, “How haad unu gwain gat'ih, unu tiicha a di Laa ahn Pharisee pipl, unu hipokrit! Unu deh henda pipl fahn go iina di Kingdom a Hevn. Unu uonself neva gwain go iin, nar mek nonbady els go iin niida.

Matthew 25:41

“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!

Matthew 25:46

“Demya pipl gwain get ponish fareva, bot di raichos pipl dem gwain liv gud wid God fareva.”

Matthew 3:2

“Ripent, bikaaz dah taim now; God deh kom fi ruul!”

Matthew 3:8

Fos du di tingz weh shuo seh unu stap sin.

Matthew 7:14

Bot di giet smaal ahn di ruod naro weh ker yo tu laif, ahn dah jos wan likl bit a pipl fain ih!

Luke 14:33

So, nonbady kyaahn bii wan a mai disaipl, if ihn no lef aal weh ihn gat fi fala mi.

Luke 9:33

Den wen di man dem wende lef, Peter seh tu Jesus, “Maasta, ih gud seh wi deh yahso wid yo! Mek wi bil three hot —wan fi yuu, wan fi Moses ahn wan fi Elijah!” Peter neva nuo weh ihn wende seh.

John 10:9

Ah dah di Giet; enybady weh kom chruu mii gwain siev, ahn dehn gwain iebl fi go iin ahn out ahn fain wan plies weh plenty graas deh.

John 14:6

Jesus ansa ahn seh, “Mii dah di Wie, di Chruut, ahn di Laif; nonbady kyaahn kom tu di Faada eksep chruu mi.

Acts 3:19

So, unu hafy ton fahn unu sin ahn kom bak tu God, so ihn kyan tek weh aala unu sin dem. Den, sieka weh di Laad deh wid unu, ihn gwain kyan sen som taim fi get strent iina him tu unu suol.

Romans 9:22

Ahn dah di siem wie wid weh God wehn don du. Ihn wehn waahn shuo ihn raat gens sin, ahn shuo seh him gat powa. Bot ihn wehn gat plenty pieshent wid di pipl dem weh wehn fit fi get kandem —aala demde pipl weh gwain get distrai. Di Laad bier'op wid dem, bikaaz ihn wehn waahn shuo demde pipl weh ihn gat morsy pan, how rich ihn gluory rich. Ahn ihn wehn waahn shier ihn gluory wid aala wi weh him wehn pik.

2 Corinthians 4:4

Demde pipl no biliiv weh wi deh seh, bikaaz Satan —weh dah di god a disya worl— don blain dehn two ai dem, so dehn kyaahn si di lait a di Gud Nyuuz bout di gluory a Christ, weh shuo wi egzakly weh God laik.

2 Corinthians 6:17

Ahn di Laad seh tu: “So den, unu fi kom out fahn mongs demde pipl weh no biliiv. No gat notn fi du wid dem! Unu no fi gat notn fi du wid notn weh doty; den, Ai gwain welkom unu.”

Galatians 5:24

So, wen wi dah fi Jesus Christ, den wi uon sinful nietyo ahn aal demde tingz weh wi wehn yuuztu hat fi du, dah laik dehn get niel'op pahn wan kraas. Dehn ded fi chruut!

Philippians 3:19

Ahn demde kain a pipl deh hed striet fi hel! Dehn ongl tink pahn wat dehn kyan put iina dehn bely, ahn dehn proud a dehn shiemful, doty wiez. Ahn aal weh deh pahn dehn main dah di tingz dem weh deh iina disya worl.

1 John 5:19

Ahn wi nuo seh, wii dah God pikniny dem ahn di huol worl deh aanda di powa a Di Wikid Wan.

Revelation 12:9

So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.

Revelation 13:8

So, aala di pipl dem pahn ort gwain waaship dah biis, eksep fi demde pipl weh wehn gat dehn niem rait dong iina di buk weh dah fi di Lam weh di pipl fahn Israel don kil. Dah wehn bifuor God mek di worl, ihn wehn rait dong iina di buk fi di Lam di niem ah aala demde pipl weh gwain liv fareva.

Revelation 20:15

Ahn enybady weh dehn niem neva rait dong iina di Buk a Laif wehn get chruo iina di liek a faiya!

Revelation 20:3

Den, di ienjel chruo im iina di diip-diip huol. Ahn ihn lak'op di huol ahn siil'ih op tait, so di devl gwain kyaahn get out, ahn ihn gwain kyaahn fuul di nieshan dem no muo til di wan thousand yierz don paas. Afta dat, di ienjel gwain let im luus fi wan likl bit a taim.