Matthew 7:11 - The New Testament in Islander Creole

¹¹ No kya how yo bad, yo nuo seh yo wi gi gud tingz tu yo pikniny dem. So, ho moch muo unu Faada iina hevn gwain gi gud tingz tu dem weh aks im!

Matthew 7:11 Iomraidhean Croise

Matthew 23:9

Yahso unu no fi kaal nonbady pahn ort ‘faada,’ bikaaz unu ongl gat one Faada, ahn him dah di wan weh iina hevn.

Matthew 7:10

Or gwain gi'im wan sniek, wen ihn aks fi wan fish?

John 3:16

“Yu si, God lov aal di pipl iina disya worl so moch ihn gi ihn ongl Son; so enybady weh chros iina him no gwain ded; dehn gwain liv wid im fareva.

Romans 3:19

So den, wi nuo seh evryting weh iina di Jewish Laa deh taak tu demde pipl weh fi liv akaadn tu datde Laa, so nonbady kyaahn seh dehn no nuo weh dah di rait ting fi du. Ahn so, evrybady gwain hafy ansa tu God fi di wikidnis weh dehn wehn du.

Romans 3:9

Now, weh wi kyan seh: wii, weh dah Jew, muo beta iina God sait an demde pipl weh dah no Jew? Nuo sah. Wi no beta an dem, nat iivn wan likl bit. Bikaaz Ah aredy shuo unu seh, sin deh ruul uova evrybady —uova di Jew dem fos ahn den uova demde pipl weh dah no Jew tu.

Romans 8:32

God neva iivn kiip ihn uon Son fahn sofa. So den, wen God gi ihn uon Son fi aala wi, wi kyan nuo fi shuor seh ihn gwain gi wi evryting els weh wi niid.

Galatians 3:22

Bot di Skriptyo seh di huol worl deh aanda di powa a sin. So den, wi kyan ongl get di gif weh God wehn pramis wi weh biliiv, if wi chros iina ihn son, Jesus Christ.

James 1:17

Memba: evry gud ahn porfek gif kom fahn op iina hevn, fahn fi wi Faada weh mek aal di lait weh deh. Ahn him neva chienj nontaim, laik wan shaduo deh chienj.

1 John 3:1

Unu si ho moch wi Faada iina hevn lov wi? Ihn lov wi so moch seh, ihn puor wan paila lov pahn wi ahn kaal wi ihn pikniny dem. Ahn wii dah dat fi chruut! Di riizn wai di worl no nuo wi, dah bikaaz dehn neva nuo him niida.

1 John 4:10

Dis dah weh dah riil lov: dah no seh, wii wehn lov God bot dah seh, him wehn lov wii, ahn ihn sen ihn Son fi bii wan sakrifais, so ihn kuda paadn wi sin dem!