Matthew 6:9 - The New Testament in Islander Creole

⁹ Dis dah how unu fi seh wen unu deh prie: ‘Fi wi Faada weh deh iina hevn, mek wi kiip yo niem huoly.

Matthew 6:9 Iomraidhean Croise

Matthew 10:29

Unu no nuo seh two likl bord no kaas nat iivn wan kapa chienj? Bot stil yet non a dem kyaahn drap fahn iina di skai bitout yo Faada iina hevn waahn ih fi drap.

Matthew 23:9

Yahso unu no fi kaal nonbady pahn ort ‘faada,’ bikaaz unu ongl gat one Faada, ahn him dah di wan weh iina hevn.

Matthew 26:29

Ah deh tel unu: Ah no gwain drink no muo wain til di die wen Ah drink nyuu wain wid unu iina mai Faada Kingdom.”

Matthew 26:42

So fi di sekant taim Jesus gaan prie, ahn seh, “Mai Faada, if dis kop a sofarin kyaahn paas fahn mi eksep Ah drink'ih, den mek weh yo waahn hapm, hapm.”

Matthew 5:16

Dah di siem wie, unu fi mek pipl si di lait iina unu, so dehn wi si aal di gud ting weh unu du, ahn dehn wi priez unu Faada iina hevn.

Matthew 5:48

So jos laik how yo Faada iina hevn du gud aal di taim, yo fi bii uova gud iina evrywie tu.

Matthew 6:14

“If unu paadn di bad tingz weh ada pipl du tu unu, unu Faada iina hevn gwain paadn unu tu.

Matthew 6:6

Bot enytaim unu deh prie, go iina unu ruum, shet di duo ahn prie tu unu Faada huu gwain dedeh. Ahn unu Faada, weh deh wid unu iina siikrit, gwain bles unu plenty.

Matthew 7:11

No kya how yo bad, yo nuo seh yo wi gi gud tingz tu yo pikniny dem. So, ho moch muo unu Faada iina hevn gwain gi gud tingz tu dem weh aks im!

Luke 15:18

So, Ah gwain get'op ahn go bak dah mi pupa, ahn Ah gwain tel im: “Pupa, Ah sin gens God ahn Ah sary fi weh Ah du yo.

Luke 15:21

Bot di bwai tel im seh, ‘Pupa, Ah sin gens God ahn Ah sary fi weh Ah du yo. Ah no wot no muo fi yo kaal mi yo son.’

Luke 2:14

“Gluory bii tu God hai op iina hevn, ahn piis tu aala dem pan ort weh ihn pliiz wid!”

John 20:17

Jesus tel im, “Mary, stap deh huol aan pahn mi, bikaaz Ah no gaan op tu di Faada yet. Bot go dah mi breda dem ahn tel dem seh, ‘Ah gwain op dah mi Faada, weh dah fi unu Faada tu; Ah gwain dah mi God, weh dah fi unu God tu.’ ”

Romans 1:7

So den, Ah deh rait tu aala unu dah Rome —unu weh God lov— ahn weh him kaal fi bii ihn uon pipl dem. Ahn Ah deh prie fi wi Faada God ahn di Laad Jesus Christ gi aala unu plenty gries ahn piis iina unu haat!

Romans 8:15

bikaaz di Spirit weh God gi unu no gwain mek unu fried, laik how di sorvant fried fi dehn maasta. Insida dat, God gi unu di Spirit weh mek unu fi bii God pikniny, ahn dah Spirit gi unu di powa fi hala out tu God ahn seh, “Aba, Pupa Maasa!”

Galatians 1:1

Dis leta dah fahn mii, Paul, weh dah wan apasl. Dah neva eny man or eny speshal gruup a pipl weh pik mi fi bii wan apasl, bot dah wehn Jesus Christ, ahn God di Faada weh riez'op Jesus bak fahn di ded, weh pik mi.

Galatians 4:6

Ahn fi shuo seh unu dah fi him pikniny, God sen di Holy Spirit a ihn Son fi liv iina unu. Dat dah di siem Spirit weh mek wi kyan kaal fi wi God: “Aba, Pupa Maasa.”

1 Timothy 6:16

Ahn God dah di ongli'is wan weh gwain neva ded. Him liv iina di lait weh nonbady kyan iivn get nier tu. Nonbady wehn eva si'im iina di paas, ahn nonbady kyaahn si'im now. So, mek wi gi'im aal di ana, bikaaz dah him weh gat di powa fi ruul fareva ahn eva. Amen!

1 Peter 1:17

Unu nuo seh God dah unu Faada, bot memba tu seh, ihn no gat non fievarit nontaim. Him gwain joj unu, or ihn gwain pie unu bai weh unu du. So den, spen di res a unu laif yah pahn ort, deh ana ahn rispek im!

Revelation 4:11

Fi wi Laad ahn wi God, dah ongl yu weh gat di rait, fi get aal di gluory, ahn di ana ahn di powa; bikaaz yu dah di Wan weh mek evryting weh egzis. Yu mek dem aal ahn gi iich wan laif, bikaaz yu du dat fi yo uon plezha.

Revelation 5:12

Dehn wende sing haad-haad seh: “Di Lam weh dehn kil, gat di rait, fi get powa ahn richiz, ahn wizdom ahn strent, ahn gluory ahn priez!”