Matthew 6:5 - The New Testament in Islander Creole

⁵ “Ahn enytaim unu deh prie, no bii laik how di hipokrit dehn du iina di sinigag ahn lang di kaana dem pan di ruod jos fi di pipl dehn si dem. Ah deh tel unu di chruut: dehn no gwain get no muo priez an weh dehn don gat!

Matthew 6:5 Iomraidhean Croise

Matthew 21:22

Yo gwain get enyting weh yo aks fah iina yo prayaz, if yo ongl gat fiet.”

Matthew 23:13

Den Jesus kantinyo deh seh, “How haad unu gwain gat'ih, unu tiicha a di Laa ahn Pharisee pipl, unu hipokrit! Unu deh henda pipl fahn go iina di Kingdom a Hevn. Unu uonself neva gwain go iin, nar mek nonbady els go iin niida.

Matthew 23:5

Dehn du evryting jos fi pipl si dem. Jos so, dehn mek dehn filaktry ahn tasl dem uova big.

Matthew 23:6

Dehn lov fi sidong iina di bes plies dem iina di paaty dem ahn get di muos impuotant siit dem iina di sinigag.

Matthew 6:1

“Wach out, unu no fi du gud tingz fi God jos fi shuo aaf fronta pipl. If unu du dat, weh kain a blesin unu gwain get fahn unu Faada iina hevn? Notn ataal!

Matthew 6:16

“Enytaim unu faas, no mek'op unu fies laik if unu sad laik di hipokrit dehn du. Bikaaz dehn wi put dehn fies laik puor ting fi ada pipl biliiv dehn deh faas. Ah deh tel unu di chruut: dehn no gwain get no muo priez an weh dehn don gat!

Matthew 6:2

“So enytaim unu deh gi somting tu di puor pipl dem, du'ih fahn unu haat, ahn no du'ih laik how di hipokrit dehn du weh mek wan paila naiz iina di sinigag ahn pan di ruod jos fi di pipl dehn si weh dehn gwain du ahn priez dem. Ah deh tel unu di chruut: dehn no gwain get no muo priez an weh dehn don gat!

Matthew 9:38

So prie seh di Wan weh inchaaj a di haavis wi sen som muo pipl fi work iina ihn grong.”

Mark 11:25

Ahn enytaim unu deh prie, unu fi paadn fos enybady weh du unu somting rang, ahn den unu Faada iina hevn gwain paadn fi unu sin.

Mark 12:38

Wail Jesus wende tiich dem, ihn seh, “Wach out fi di tiicha a di Laa dem, weh laik waak roun iina dehn lang goun, ahn mek evrybady hiel dem op wid rispek iina di maakit plies dem.

Luke 11:43

“How haad unu gwain gat'ih, unu Pharisee pipl! Unu lov fi sidong iina di muos impuotant siit iina di sinigag, ahn wen unu deh waak iina di maakit plies dem, unu mek evrybady hiel unu op wid rispek.

Luke 18:1

Den Jesus tel dem wan parabl fi shuo dem seh dehn fi aalwiez prie ahn no fi gi'op.

Luke 18:13

Bot di taks kalekta wende stan op awie iina di bak, ahn neva iivn waahn lif op ihn ai fi luk op dah hevn. Bot ihn biit'op ihn ches fi shuo seh ihn wehn sary fi ihn sin dem, ahn seh, ‘God, gat morsy pan mi, wan sina!’

Luke 20:47

Dehn sniikin, ahn laik tek uova di hous a di puor uman dem weh dehn hozban ded. Bot stil yet dehn ton roun ahn waahn shuo aaf wid lang prayaz. Demde gwain get muo ponishment fi di bad tingz weh dehn du.”

Luke 6:24

Bot unu weh rich now, deh iina trobl; unu don gat weh unu fi get.

John 16:24

Fahn di biginin til now unu neva yet aks fi notn iin mi niem fi enyting. Now Ah deh tel unu seh: aks ahn unu gwain get. Den unu gwain gat hapinis diip dong iina unu haat weh kyaahn don nontaim.

Ephesians 6:18

So, prie aal di taim ahn aks God fi help unu; ahn aks ihn Spirit fi help unu prie. Stie pahn unu gyaad aal di taim ahn neva stap deh prie fi aala God pipl dem!

1 Thessalonians 5:17

Neva stap prie.

James 4:6

Memba seh: di gries weh God gi wi muo stranga an di wikidnis a disya worl! Das wai di Skriptyo seh, “God deh gens demde pipl weh proud, bot ihn help di pipl dem weh ombl.”