Matthew 6:31 - The New Testament in Islander Creole

³¹ “So, no wory fi aks, ‘Dah wada wi gwain iit?’ or ‘Dah wada wi gwain drink?’ or ‘Dah wada wi gwain wier?’

Matthew 6:31 Iomraidhean Croise

Matthew 15:33

Den di disaipl dem aks im, “Bot weh paat iina dis dezart wii gwain get nof fuud fi fiid aal demya pipl?”

Matthew 4:4

Bot Jesus ansa im seh, “Nuo, bikaaz ih rait dong iina God buk seh, ‘Nonbady fi liv ongl aafa bred, bot wi fi liv aafa evry wod weh kom outa God mout.’ ”

Matthew 6:25

“Das wai Ah deh tel unu: no fret ahn wory bout unu laif, weh unu gwain iit or weh unu gwain drink, nar weh unu gwain wier, bikaaz laif dah muo an wat wi iit ahn wat wi wier, no chruut?

Matthew 6:27

Unu tink seh if unu wory, unu kyan ad aan wan nada owa muo pan unu laif? Nuo, sah!

Luke 10:41

Di Laad ansa im ahn seh, “Martha, Martha, yo deh wory yoself ahn get beks uova plenty ting,

Luke 12:11

“Ahn wen dehn ker unu tu di liida dem iina di sinigag, or di ruula or ada pipl dem weh gat powa, unu no fi fret bout how unu gwain difen unuself, or weh unu gwain seh,

Luke 12:22

Den Jesus ton tu ihn disaipl dem ahn seh, “Das wai Ah deh tel unu: no fret ahn wory bout unu laif, weh unu gwain iit, nar weh unu gwain wier;

Luke 12:29

“Ahn unu no fi fret bout weh unu gwain iit or drink —jos no wory!

Philippians 4:6

So, unu no fi wory bout notn, bot unu fi prie ahn aks God fi evryting weh unu niid. Ahn unu fi tank im tu, fi evryting weh ihn don du fi unu.

1 Peter 5:7

Ahn unu fi chruo aala unu woriz ahn kier pahn God, bikaaz him kier bout unu!