Matthew 6:2 - The New Testament in Islander Creole

² “So enytaim unu deh gi somting tu di puor pipl dem, du'ih fahn unu haat, ahn no du'ih laik how di hipokrit dehn du weh mek wan paila naiz iina di sinigag ahn pan di ruod jos fi di pipl dehn si weh dehn gwain du ahn priez dem. Ah deh tel unu di chruut: dehn no gwain get no muo priez an weh dehn don gat!

Matthew 6:2 Iomraidhean Croise

Matthew 15:7

Unu hipokrit! Di prafit Isaiah wehn rait wen ihn seh wat God tink bout unu:

Matthew 16:3

Bot wen di skai uova daak iina di maanin, unu seh, ‘Ih daak op, ahn gwain rien!’ Unu nuo how fi tel di weda bai deh luk pan di tingz dem weh hapm iina di skai, bot unu rifyuuz fi andastan di tingz dem weh shuo weh God deh du rait now.

Matthew 22:18

Bot Jesus wehn nuo wat dehn wehn op tu, ahn ihn seh tu dem, “Unu hipokrit, wai unu waahn trap mi?

Matthew 23:5

Dehn du evryting jos fi pipl si dem. Jos so, dehn mek dehn filaktry ahn tasl dem uova big.

Matthew 23:6

Dehn lov fi sidong iina di bes plies dem iina di paaty dem ahn get di muos impuotant siit dem iina di sinigag.

Matthew 24:51

Den ihn maasta gwain gi'im wan tof ponishment; ihn gwain kot'im op iina piisiz ahn put im weh paat di hipokrit dem deh. Iina daty plies gwain gat plenty halarin, ahn dehn gwain grain dehn tiit sieka di pien weh dehn deh fiil.

Matthew 5:18

Bikaaz Ah deh tel unu di chruut: til hevn ahn ort no disapier, nat iivn wan a di smaalis spek gwain don weh wid outa di Laa, til evryting God waahn du chruu'ih, don hapm.

Matthew 6:16

“Enytaim unu faas, no mek'op unu fies laik if unu sad laik di hipokrit dehn du. Bikaaz dehn wi put dehn fies laik puor ting fi ada pipl biliiv dehn deh faas. Ah deh tel unu di chruut: dehn no gwain get no muo priez an weh dehn don gat!

Matthew 6:3

Bot wen unu gi di puor pipl dem somting, du'ih sieka dehn niid ih, ahn no sieka unu uon satisfakshan.

Matthew 6:5

“Ahn enytaim unu deh prie, no bii laik how di hipokrit dehn du iina di sinigag ahn lang di kaana dem pan di ruod jos fi di pipl dehn si dem. Ah deh tel unu di chruut: dehn no gwain get no muo priez an weh dehn don gat!

Matthew 7:5

Unu dah som riil hipokrit! Fos unu fi tek di big piis a wuud outa unu uon ai; den unu gwain si beta fi tek di straa outa unu breda ai.

Mark 12:39

Dehn lov fi sidong iina di muos impuotant siit dem iina di sinigag, ahn get di bes plies iina di paaty dem.

Mark 7:6

Ahn Jesus ansa ahn seh, “Di prafit Isaiah wehn rait, wen ihn seh wat God tink bout unu hipokrit: ‘Dis pipl seh dehn rispek mi wid dehn mout, bot dehn haat deh foor fahn mi.

Luke 11:41

Dah wen unu shier wid di pipl dem weh gat muo niid, dat dah wen unu haat riily kliin.

Luke 11:43

“How haad unu gwain gat'ih, unu Pharisee pipl! Unu lov fi sidong iina di muos impuotant siit iina di sinigag, ahn wen unu deh waak iina di maakit plies dem, unu mek evrybady hiel unu op wid rispek.

Luke 12:33

Sel aal weh unu gat ahn gi di puor dem di mony, ahn unu gwain get mony bag weh no gwain wier out. Put unu richiz iina hevn weh paat ih no gwain don, ahn weh non tiif kyaahn kom nier dem ahn non wud-lais kyaahn distrai niida,

Luke 12:56

Unu hipokrit! Unu nuo how fi tel di weda bai di luk a di tingz dem weh hapm pan di ort ahn iina di skai. So den, wai unu kyaahn andastan di tingz dem weh shuo weh God deh du rait now?

Luke 13:15

Bot di Laad ansa seh, “Unu hipokrit! Aala unu no luus unu kow or unu danky dem outa di pen fi ker dem go drink waata pan di Sabat die?

Luke 20:46

“Wach out fi di tiicha a di Laa dem, weh laik waak roun iina dehn lang goun, ahn mek evrybady hiel dem op wid rispek iina di maakit plies dem. Dehn lov fi sidong iina di muos impuotant siit dem iina di sinigag ahn get di bes plies iina di paaty dem.

Luke 6:24

Bot unu weh rich now, deh iina trobl; unu don gat weh unu fi get.

Luke 6:42

Or, how unu gwain seh tu unu breda, ‘Fren, mek Ah tek di straa outa yo ai,’ wen unu neva si di big piis a wuud iina fi unu uon ai? Unu dah som riil hipokrit! Fos unu fi tek di big piis a wuud outa unu uon ai; den unu gwain si beta fi tek di straa outa unu breda ai.

John 13:29

Bot, sins Judas dah wehn di wan weh main di mony bag fi di ada disaipl dem, som a dem wehn tink seh Jesus wende sen im fi go bai somting weh dehn wehn niid fi di Paasuova sopa, or fi go gi somting fi di puor pipl dem.

John 5:41

“Ah no deh luk fi no hyuuman priez.

John 5:44

Unu luk fi di priez weh kom fahn pipl, bot unu no luk fi di priez weh kom fahn di Wan ahn ongl God. Das wai unu kyaahn biliiv mi!

John 7:18

Dem weh taak bout fi dem uon tingz ongl waahn buos bout dehn uonself. Bot di man, weh waahn di Wan weh sen im get di priez, no gat non faalsnis iina him ataal; ihn aalwiez tel di chruut.

Acts 10:2

Him dah wehn wan man weh lov ahn ana God, lang wid ihn huol famaly. Ihn wehn gat wan gud haat ahn ihn wehn gi plenty gif tu di puor Jew pipl dem. Ahn him dah wehn wan man weh aalwiez prie tu.

Acts 10:31

Ihn seh, ‘Cornelius! God hier yo praya dem, ahn ihn memba yo gif dem tu puor pipl.

Acts 10:4

Az Cornelius luk pahn im, ihn wehn uova fried, ahn ihn seh, “Dah weh yo waahn wid mii, sah?” Di ienjel seh, “God hapy wid yo, ahn ihn tek nuotis a yo praya dem ahn yo gif dem tu di puor.

Acts 11:29

So di biliiva dehn disaid fi sen som ah weh dehn wehn gat fi di breda dem weh liv iina Judea lan. Iich a dem gi aal weh dehn kuda gi fi help dem.

Acts 24:17

“Now Ah wehn gaan weh fi kopl gud yierz, ahn Ah kom bak dah Jerusalem fi bring mony fi help dem weh puor, ahn fi aafa sakrifais tu God tu.

Acts 9:36

Now iina di neks toun a Joppa, wan uman weh liv deh wehn niem Tabitha, weh iina di Greek langwij dah Dorcus. Shii dah wehn wan biliiva ahn spen aal ihn taim deh help puor pipl ahn du ada gud tingz.

Romans 12:8

If unu gif dah fi inkorij ada pipl, den unu fi du dat. If God put'ih iina unu haat fi shier weh unu gat wid sombady els, unu du dat wid aala unu haat. Ahn if God gi unu di gif fi bii wan liida, den unu fi work haad ahn du'ih wid wan wilin haat. Ahn if unu gwain shuo morsy tu enybady, den unu fi bii hapy fi du'ih!

1 Corinthians 13:3

Iivn if Ah gi-weh evryting weh Ah gat, ahn iivn gi'op mi bady, mek dehn bon'ih op, bot Ah no lov ada pipl, non a dat gwain du mi non gud.

Galatians 2:10

Di ongl ting weh dem aks wi fi du, dah no farget dehn puor pipl dem, ahn dat dah di siem ting Ai wehn aalwiez iiga fi du.

Ephesians 4:28

Ahn enybady weh wuda tiif, ihn no fi tiif no muo! Dah porsn niid fi go work ahn du somting gud wid ihn han, so dat ihn kyan help ihnself ahn enybady els weh gat niid tu.

1 Thessalonians 2:6

Ahn wii neva wende luk fi non priez fahn unu nar fahn nonbady els niida.

1 Timothy 6:18

Komaan dem fi du gud. Dehn fi bii rich iina di gud tingz weh dehn deh du evry die; ahn bii frii-handid, redy fi shier weh dehn gat wid dem weh deh iina niid.

Philemon 1:7

Mi dier breda, di lov weh yu gat ongl mek mi hapy, ahn ih inkorij mi plenty. Ahn ih mek aala God pipl dem hapy iina dehn haat tu.

Hebrews 13:16

Ahn, bredrin, no farget fi du gud, ahn shier weh unu gat wid demde pipl weh gat niid; bikaaz dat dah di kain a sakrifais weh pliiz God.

1 Peter 4:11

So, if unu gat di gif fi priich; wel, priich God Wod gud. If unu gat di gif fi help ada pipl; wel, du'ih wid aala di strent weh God gi'yo. Unu fi du evryting so dat ih kyan bring ana tu God chruu Jesus Christ weh gat aal di gluory ahn powa iina him fareva ahn eva. Amen!