Matthew 6:13 - The New Testament in Islander Creole

¹³ Ahn kiip wi weh fahn temtieshan, ahn fahn di Bad Wan weh waahn liid wi astrie. [Bikaaz yu dah di ongli'is wan weh gat aal di Kingdom atarity, di powa ahn di gluory fi aal di taim, Amen!]’

Matthew 6:13 Iomraidhean Croise

Matthew 26:41

Aala unu hafy stie wiek ahn prie fi di devl no temp unu ahn mek unu sin, bikaaz iivn if unu spirit wilin, unu bady wiik.”

Matthew 28:20

ahn tiich dem how fi obie aal di tingz weh Ah wehn komaan unu. Memba dis: Ai gwain aalwiez deh wid unu dongtu di en a di worl!”

Matthew 5:37

So, yuu fi ongl seh wan simpl ‘yees,’ ahn miin ‘yees,’ or seh wan simpl ‘nuo,’ ahn miin ‘nuo.’ Bikaaz enyting muo an dat, dah fahn di Bad Wan.

Matthew 6:10

Mek yo Kingdom kom, ahn mek weh yuu waahn fi hapm, hapm pan ort, jos laik how ih deh hapm iina hevn.

John 17:15

“Faada, Ah no deh aks yo fi tek dem outa di worl, bot Ah deh aks yo fi protek dem fahn di Wan weh Bad.

1 Corinthians 10:13

Memba, evry kain a tes weh unu go chruu dah di siem kain a tes dem weh ada pipl gaan chruu. Bot God fietful tu ihn pramis, ahn him no gwain mek di taim weh unu get tes stie so lang seh unu kyaahn bier'ih no muo. Bot, wen di tes kom, God gwain gi unu di strent fi stan'ih ontil ihn shuo unu wan wie out.

1 Corinthians 14:16

Wen unu deh tank God wid jos unu spirit, dah how di aadinary man weh kom dah unu miitn gwain kyan seh, “Amen, dat dah so!” tu weh unu deh gi tanks fah, if di man no andastan weh unu deh seh? Ihn no gwain kyan du'ih!

Galatians 1:4

Dah him weh wehn gi wi ihn laif fi pie fi wi sin dem, jos laik weh God wi Faada wehn waahn him fi du. Ihn du dat fi ihn kuda frii wi fahn di wikidnis a disya worl.

1 Thessalonians 1:10

Dehn tel wi tu seh unu deh wiet pahn God Son fi kom fahn hevn —Jesus— weh God don riez'op bak fahn di ded, ahn now ihn deh siev wi fahn God raat weh gwain suun kom!

2 Thessalonians 3:3

Bot, az fi di Laad Jesus, him wehn aalwiez fietful. Ahn ihn gwain mek unu iivn muo stranga ahn kiip unu sief fahn di Wikid Wan.

1 Timothy 1:17

So mek wi ana ahn priez di King fi huu Kingdom dah fareva —di Wan weh wi kyaahn si, ahn weh gwain neva ded. Him dah di ongli'is God fi chruut. So, mek wi gi'im aal di ana ahn priez fareva ahn eva. Amen!

Hebrews 11:36

Den, som ada wan, dehn wehn tek mek papishuo, ahn dem biit som ada wan dem wid wip, ahn chien'op som muo, ahn put dem iina jiel.

1 Peter 5:8

Stie pahn unu gyaad tu, ahn wach out! Unu enimy —weh dah di devl— him dah laik wan laiyan weh deh ruor. Him deh waak roun fahn plies tu plies deh si huu ihn kyan iit'op!

2 Peter 2:9

So unu si, di Laad nuo how fi siev fi him pipl dem fahn di haad taim dem weh dehn deh go chruu. Ahn ihn nuo how ihn gwain ponish pahn di Die a Jojment aala demya pipl weh deh liv slak laif tu. Iivn now, God jojment deh heng uova dehn hed!

1 John 3:8

Bot evrybady weh kiip aan deh sin dah di devl pikniny, bikaaz di devl deh sin fahn di biginin! Ahn dis dah wai di Son a God wehn kom fah: ihn kom fi distrai aal weh di devl du.

Revelation 1:18

Ai dah di Wan weh deh liv now! Ah wehn ded, bot now Ai deh liv fareva! Ahn Ah gat di powa uova det ahn di griev.

Revelation 19:1

Wen di ienjel weh gat plenty powa wehn don, Ah hier wan naiz weh soun haad laik di naiz fahn wan uova big kroud weh deh iina hevn. Dehn seh: “Haleluuya! Mek wi priez God weh siev wi! Dah him aluon gat aal di salvieshan ahn gluory ahn powa!

Revelation 19:4

Den, di twenty-four eldaz ahn dehn four livin kricha dehn faal dong fronta God, weh wende sidong pahn di chruon, ahn dehn waaship im seh: “Amen, Haleluuya!”

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!

Revelation 21:4

Ihn gwain waip weh aala dehn ai-waata fahn dehn ai. Ahn dehn no gwain ded no muo, nar sofa, nar krai, nar fiil non pien no muo. Bikaaz aala demde tingz don paas ahn gaan fareva!”

Revelation 3:10

Bikaaz unu bier'op ahn stan strang deh du weh Ah tel unu fi du; Ah no gwain mek unu sofa, wen haad taim ahn trobl kom fi trai aal di pipl dem weh deh pahn ort.

Revelation 3:14

“Rait dis mesij tu di ienjel fahn di chorch iina Laodicea. Dis dah di mesij weh di ‘Amen’ sen. Fi chruut, him dah di Wan weh wi kyan chros iina, ahn weh deh taak di chruut aal di taim bout God. Dah fahn him kom aal weh God don mek. Ihn seh:

Revelation 5:13

Ahn den, Ah hier evry livin kricha iina hevn ahn pahn ort ahn aanda di ort, ahn iina di sii tu deh aafa op priez. Dis dah weh aala dem wende sing tugeda seh: “Gi priez ahn ana, ahn gluory, ahn powa tu di Wan, weh deh sidong pahn di chruon, ahn tu di Lam fareva ahn eva!”