Matthew 5:9 - The New Testament in Islander Creole

⁹ Dem weh henda prablem ahn trobl, bles; bikaaz dehn gwain kaal dem God pikniny.

Matthew 5:9 Iomraidhean Croise

Matthew 5:45

so yo kyan bii yo Faada iina hevn pikniny. Bikaaz ihn mek di son shain pahn di bad man dem ahn pahn di gud tu, ahn ihn gi rien tu dem weh du gud ahn dem weh du bad tu.

Matthew 5:48

So jos laik how yo Faada iina hevn du gud aal di taim, yo fi bii uova gud iina evrywie tu.

Luke 20:36

far, dehn gwain kyaahn ded agen, bikaaz dehn gwain bii laik di ienjel dem; dehn gwain liv agen iina wan nyuu laif weh God wehn pramis aala ihn pikniny dem.

Luke 6:35

Nuo, lov yo enimy ahn du gud fi dem! Gi bitout wiet bak pan notn. If unu du dat, Di Muos Hai God gwain pie unu bak plenty, ahn unu gwain bii ihn pikniny, bikaaz God iivn shuo kainis tu dem weh on'grietful ahn wikid.

Acts 7:26

Den di neks die ihn si two Israelite deh fait, ahn ihn trai fi mek piis bitwiin dem. ‘Lisn man,’ ihn seh, ‘di two a unu dah breda, so dah wai unu deh hot wan anada laik dis?’

Romans 12:18

Du evryting weh unu iebl fi du, so dat unu kyan liv iina piis wid evrybady.

Romans 8:14

Memba: aala demde pipl weh God Spirit deh liid, dehn dah God pikniny fi chruut;

Romans 8:16

Bikaaz God Spirit deh jain wid fi wi spirit fi seh wi dah God pikniny dem fi chruut!

Romans 8:19

Bikaaz, di huol a God kriyieshan deh wiet ahn deh luk ahed wid iiganis fi di taim wen God gwain shuo huu dah fi him pikniny dem.

1 Corinthians 6:6

Az fi unu, insida unu mek God pipl dem hangl demya kies, unu breda dehn ker wan anada dah kuot. Ahn dehn mek demde man, weh no chros iina God, joj di kies fi dem! Dat no deh gud ataal, bredrin.

2 Corinthians 13:11

Fi di laas paat a mi leta, bredrin, Ah waahn tel unu gudbai! Lisn tu weh Ah deh beg unu: Unu fi trai fi gruo evry die iina di Laad tu di fulis! Ahn unu fi trai get lang wid wan anada tu ahn liv iina piis wid evrybady. Ahn den, di God a lov ahn piis gwain deh wid unu aalwiez!

2 Corinthians 5:20

So den, bredrin, wi dah Christ representativ dem weh ihn wehn sen fi taak tu unu. Wii deh beg unu jos laik dah Christ himself deh beg unu seh, “Mek God ton unu fahn ihn enimy tu ihn fren dem!”

Galatians 5:22

Bot, if wi mek di Holy Spirit kanchruol wi laif, den dis dah weh gwain kom outa fi wi laif: lov, hapinis, piis, pieshens, ahn kainis. Ahn wi gwain triit wan anada gud, ahn di pipl dem gwain kyan dipen pahn wi tu.

Ephesians 4:1

So den, Ai, Paul, weh dehn put iina prizn bikaaz Ah deh work fi di Laad; Ah deh beg unu fi waak iina God wie jos laik how ihn tel unu fi liv, wen ihn fos kaal unu fi chros iina ihn Son.

Philippians 4:2

Den, Ah deh beg unu, Euodia ahn Syntyche, fi stap deh kwaaril ahn trai fi grii wid wan anada, bikaaz unu dah wan wid di Laad.

Colossians 3:13

Unu fi aalwiez bier'op wid wan anada, ahn if enybady du unu enyting bad, fargiv dem. Ahn jos laik how di Laad wehn fargiv unu, rait so unu shuda fargiv wan anada tu!

Hebrews 12:14

Ahn bredrin, unu trai fi liv iina piis wid evrybady, ahn du unu bes fi liv wan huoly laif; bikaaz bitout dat, nonbady no gwain si God!