Matthew 5:8 - The New Testament in Islander Creole

⁸ Dem weh dehn haat kliin, bles; bikaaz dehn gwain si God.

Matthew 5:8 Iomraidhean Croise

Acts 15:9

Him no mek non kain a distinkshan bitwiin wii ahn dem; bikaaz God mek dehn haat kliin chruu fiet, siem wie laik wii.

1 Corinthians 13:12

Rait now, di wie wi deh si tingz dah laik wen wi deh luk iina wan lukin-glaas weh fagy. Bot wen dah taim kom, wi gwain si aala it, fies tu fies. Ai ongl nuo paat a evryting now, bot wen dah taim kom Ai gwain nuo evryting uova gud, jos laik how God nuo mii now!

2 Corinthians 7:1

Mi dier fren dem, sins God mek aala demya pramis tu wi, mek wi kiip faar fahn enyting weh gwain mek wi bady ahn wi spirit doty wid sin. Mek wi du wi bes fi liv wan huoly laif iina evrywie so dat wi kyan shuo rispek tu him!

Titus 1:15

Memba seh: fi demde pipl weh dehn haat kliin, dehn si evryting az kliin; bot fi di pipl dem weh dehn haat no kliin, dehn si evryting doty. Dehn main korop ahn dehn kanshans neva iivn nuo dehn wende du plenty bad tingz.

Hebrews 10:22

So den, mek wi go rait iin tu God deh chros im wid wan chruu haat; bikaaz wi wikid kanshans don get sprinkl wid Christ blod fi mek wi kliin iina ihn sait ahn wi bady get wash wid kliin-kliin waata.

Hebrews 12:14

Ahn bredrin, unu trai fi liv iina piis wid evrybady, ahn du unu bes fi liv wan huoly laif; bikaaz bitout dat, nonbady no gwain si God!

Hebrews 9:14

den dah ho moch muo di blod a Christ gwain kyan kliin fi wii kanshans fahn demde tingz weh wi du, so dat wi gwain kyan waaship di livin God! Bikaaz, chruu di powa a di Spirit —weh liv fareva— Christ aafa op fi him uonself az wan porfek sakrifais fi wi sin dem.

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

James 4:8

Kom nier tu God, ahn ihn gwain kom nier tu unu tu. Unu sinaz, wash unu han dem! Ahn unu hipokrit, unu fi kliin unu doty haat tu!

1 Peter 1:22

Now, az breda ahn sista iina Christ, unu kyan gat chruu lov fi wan anada, bikaaz unu obie di Gud Nyuuz weh dah di chruut, ahn so now unu kliin fahn sin. So den, si tu it dat unu riily lov wan anada wid aala unu haat.

Revelation 22:4

Aala dem gwain si God fies, ahn ihn niem gwain rait dong pahn dehn farid.