Matthew 5:7 - The New Testament in Islander Creole

⁷ Dem weh shuo morsy tu ada pipl, bles; bikaaz God gwain shuo morsy tu dem tu.

Matthew 5:7 Iomraidhean Croise

Mark 11:25

Ahn enytaim unu deh prie, unu fi paadn fos enybady weh du unu somting rang, ahn den unu Faada iina hevn gwain paadn fi unu sin.

Luke 6:35

Nuo, lov yo enimy ahn du gud fi dem! Gi bitout wiet bak pan notn. If unu du dat, Di Muos Hai God gwain pie unu bak plenty, ahn unu gwain bii ihn pikniny, bikaaz God iivn shuo kainis tu dem weh on'grietful ahn wikid.

Romans 11:30

Az fi unu weh dah no Jew, iina di paas unu neva yuuztu obie God. Bot now di Laad gat morsy pahn unu, bikaaz di Jew dem neva obie im.

1 Corinthians 7:25

Now, Ah deh seh dis bout demde pipl weh no marid yet: God neva gi mi non komaan bout'ih, bot stil yet Ah deh tel unu weh Ai joj fi bii rait. Ahn God —weh shuo morsy— gi mi wizdom so dat, wen Ah deh taak, di pipl dem kyan biliiv weh Ah deh tel dem.

2 Corinthians 4:1

So den, bredrin, bikaaz God iina ihn morsy gi wi dis speshal work fi du, wi no gwain gi'op nontaim.

Ephesians 4:32

Insida dat, unu fi du gud tu wan anada. Unu fi gat wan waam, kain haat fi wan anada, ahn fi fargiv wan anada jos laik how God wehn fargiv unu, bikaaz unu dah fi Christ!

Colossians 3:12

So den, bikaaz God wehn pik unu out fi bii fi him uon speshal pipl weh ihn lov, mek unu haat go out tu wan anada. Unu fi bii kain ahn ombl, ahn triit wan nada gud, ahn gat pieshens wid wan anada.

1 Timothy 1:13

Iivn duo Ai yuuztu insolt God, ahn Ah yuuztu ongl bii kruwil ahn mek ihn pipl dem sofa plenty; stil yet, Christ gat morsy pahn mi, bikaaz Ah neva wehn nuo beta, ahn bikaaz Ah neva chros iina Christ demde taim.

1 Timothy 1:16

Bot God wehn gat morsy pahn mi, so dat ihn kuda shuo seh, if Christ Jesus bier'op wid mi weh wehn sin muo an aal di res a dem, den ihn gwain kyan bier'op wid ada pipl laik mii weh gwain kom fi chros iina him tu. Ahn so ihn gwain gi dem laif weh neva gwain don nontaim.

Hebrews 4:16

Ahn, bikaaz di Laad dah wan weh ongl kain tu wi ahn mek wi no fried fi kom fronta ihn chruon, rait dehso wi kyan get morsy fahn him, ahn fain gries fi help wi wen wi niid ih!

Hebrews 6:10

Bikaaz, God dah wan fier God, ahn him no gwain farget how haad unu wehn work fi im. Ihn no gwain farget how unu shuo unu lov tu im wen unu wehn help out ihn pipl dem, ahn how unu deh kiip aan deh help dem.

James 2:13

Bikaaz enybady weh no gat non morsy, God gwain joj dem bitout morsy, bikaaz morsy aalwiez biit jojment!

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

1 Peter 2:10

Wan taim wehn deh, wen unu dah neva nonbady; bot now unu dah God pipl dem! Wan taim nonbady neva shuo unu morsy; bot now God shuo unu morsy!