Matthew 5:44 - The New Testament in Islander Creole

⁴⁴ Bot Ai deh tel yo: Lov yo enimy dem, ahn prie fi dem weh triit yo bad,

Matthew 5:44 Iomraidhean Croise

Luke 23:34

Ahn Jesus seh, “Faada, fargiv demya pipl, bikaaz dehn no nuo weh dehn deh du.” Den di suoldya dem, fi shier op ihn kluoz mongs dehnself, gyambl wid dais fi si huu wuda get wish piis.

John 13:34

“Ah deh gi aala unu wan nyuu komaan: Lov wan anada! Unu hafy lov wan anada jos laik how Ai wehn lov aala unu.

Acts 16:28

Bot Paul baal out ahn seh, “Stap, no kil yoself! Aala wi deh yah!”

Acts 7:60

Den ihn niil dong ahn baal out haad seh, “Laad! No mek dis sin kom gens dem!” Ahn afta ihn seh dat, siem taim Stephen jrap dong ahn ded.

Romans 12:14

Ahn main, unu aks God fi bles di pipl dem weh deh mek unu sofa. No aks God fi put wan kors pahn dem, bot aks God fi bles dem!

1 Thessalonians 5:15

Ahn mek shuor seh nonbady no pie bak bad wid bad. Unu fi trai evry die fi du gud tu wan anada ahn tu aal pipl.

1 Peter 2:23

Wen di pipl dem wehn insolt Christ, ihn neva insolt dem bak. Wen ihn wende sofa, ihn neva tretn dem. Ihn lef dem tu God, bikaaz God ongl joj striet.

1 Peter 3:9

Bot, if sombady du unu somting bad, unu no fi du somting bad bak tu dem. Ahn, if sombady insolt unu, unu no fi insolt dem bak agen niida. Insida dat, aks God fi bles dem, bikaaz dat dah weh God waahn unu fi du —ahn den ihn gwain bles unu!