Matthew 5:40 - The New Testament in Islander Creole

⁴⁰ Ahn if sombady waahn put wan laa-suut pan yo ahn tek weh yo shot, gi'im yo jakit tu.

Matthew 5:40 Iomraidhean Croise

Matthew 5:39

Bot Ah deh tel unu: no rizis dem weh waahn hot yo. Insida dat, if enybady lik yo pan yo rait jaa, mek ihn lik yo pan di neks wan tu.

Matthew 5:41

Ahn if sombady iina atarity fuos yo fi ker ihn tingz somweh, waak di dobl wid im.

Luke 6:29

If enybady lik yo pan wan jaa, mek ihn lik yo pan di neks wan tu. Ahn if sombady tek weh yo jakit, mek ihn tek yo shot tu.

1 Corinthians 6:7

Ahn muo wosa yet, jos weh unu hafy ker unu kies dah kuot fi sekl ih, shuo seh unu no deh waak rait wid God iina di fos plies. Ih wuda beta fi unu fi mek ada pipl du unu bad ahn tiif unu, ahn jos lef ih so!

1 Corinthians 7:36

Now, if wan man ingiej tu wan uman, ahn ihn gat trobl fi kanchruol himself ahn plenty taim deh paas, den dehn shuda get marid siem taim bitout wiet no muo. Notn no rang wid dat.