Matthew 5:30 - The New Testament in Islander Creole

³⁰ Ahn if yu go ahed deh sin wid yo rait han, beta yo liv laik sombady weh gat ihn han chap aaf, bikaaz ih beta fi yo go ahed liv laik sombady wid one han, insida fi gat yo two han ahn yo huol bady go dah hel.

Matthew 5:30 Iomraidhean Croise

Matthew 11:6

Tel im dis tu: How hapy fi dem weh no gat non dout bout mii.”

Matthew 13:21

Bot laik di ruut fi demya trii, di mesij weh ihn hier no go diip iina him. So ihn no laas lang, ahn wen trobl kom, or wen pipl waahn fuos im fi stap biliiv di mesij, ihn gi'op kwik.

Matthew 16:23

Bot Jesus ton roun ahn seh tu Peter, “Gwaan fahn yah, Satan! Yuu ongl deh hinda mii, bikaaz yu deh tink laik man, ahn no grii wid weh God waahn fi hapm!”

Matthew 17:27

Bot, fi wi no afen dem, go dong dah di sii ahn chruo wan huk iin deh. Tek out di fos fish weh yo kech, uopm ihn mout, ahn yo gwain fain di silva chienj weh wi niid. Tek'ih ahn gi dem fi pie di taks fi mii ahn yo.”

Matthew 18:8

“So, if yu go ahed deh sin wid yo han or yo fut, beta yu liv laik sombady weh gat ihn han chap aaf ahn chruo weh, bikaaz ih beta fi yu go ahed liv laik sombady wid one han or one fut, insida fi gat yo two han ahn two fut dem ahn go dah hel, go bon'op fareva.

Matthew 22:13

Den di king tel ihn sorvant dem, ‘Tai op ihn han ahn ihn fut dem, ahn chruo im outa di hous iina di daaknis! Out dehso gwain gat plenty halarin ahn dehn gwain grain'op dehn tiit iina pien.’ ”

Matthew 25:20

Di wan weh wehn get five talent kom op ahn bring five muo talent, ahn seh, ‘Maasta, yo wehn gi mi five talent. Luk deh, Ah win five talent muo.’

Matthew 26:31

Wen dehn get deh, Jesus tel ihn disaipl dem, “Sieka mii, aala unu gwain ron, lef mi tinait jos how ih rait dong seh, ‘Ah gwain straik di shepad, ahn aal di shiip dem gwain skyata weh.’

Matthew 5:22

Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Matthew 5:29

So, if yu go ahed deh sin wid yo rait ai, beta yo liv laik sombady weh gat ihn ai dig out, bikaaz ih beta fi yo go ahed liv laik sombady wid one ai, insida fi gat yo two ai ahn yo huol bady go dah hel.

Mark 9:43

So, if yu go ahed deh sin wid yo han, beta yu liv laik sombady weh gat ihn han chap aaf, bikaaz ih beta fi yu go ahed liv laik sombady wid one han, insida fi gat yo two han ahn go dah hel.

Luke 12:5

Bot Ah deh waan unu dah wada unu fi fried fah: fried fi God huu gat di powa fi kil di bady ahn den chruo unu suol iina hel. Yees, unu fi fried fi him!

Luke 17:2

Ih wuda beta fi dehn tai wan big rak roun ihn nek ahn chruo im iina di sii an fi ihn kaaz wan a demya likl wan fi sin.

Romans 9:33

siem laik how ih wehn rait iina di Skriptyo seh: “Unu luk! Ah put wan stuon iina Zion weh gwain mek di pipl dem bok dehn fut, ahn stombl, ahn dah wan rak weh mek di pipl dem faal dong. Bot di wan weh chros iina him, no gwain shiem nontaim!”

1 Corinthians 8:13

So den, if weh Ai iit gwain mek mi breda faal iina sin, Ai no gwain iit no muo miit agen, bikaaz Ai no waahn bii rispansabl fi mek mi breda sin.

Galatians 5:11

Bot az fi mii, bredrin, if weh som pipl deh seh bout mi dah chruu, seh Ai stil yet deh priich seh unu hafy get sorkomsaiz, dah wai di Jew dem stil yet deh moles mi den? Ahn, if Ai wende priich seh unu hafy get sorkomsaiz, den di priichin bout weh Jesus du pahn di kraas wudn afen nonbady ataal!

1 Peter 2:8

Ahn ih rait iina di Skriptyo tu seh: “Dis dah di stuon weh mek di pipl dem bok dehn fut dem ahn stombl, ahn dah stuon gwain mek dem faal dong!” Demde pipl trip uova ih, bikaaz dehn neva obie weh God seh. So weh hapm tu dem, dah weh God wehn plan fi hapm tu dem!