Matthew 5:29 - The New Testament in Islander Creole

²⁹ So, if yu go ahed deh sin wid yo rait ai, beta yo liv laik sombady weh gat ihn ai dig out, bikaaz ih beta fi yo go ahed liv laik sombady wid one ai, insida fi gat yo two ai ahn yo huol bady go dah hel.

Matthew 5:29 Iomraidhean Croise

Matthew 10:28

No fried a huu kyan kil unu bady, bot kyaahn kil di suol. Beta yo fried fi God huu kyan distrai di bady ahn di suol iina hel.

Matthew 11:6

Tel im dis tu: How hapy fi dem weh no gat non dout bout mii.”

Matthew 16:26

Wat wan man gwain get if ihn win di huol worl, ahn den luuz ihn uon suol? Bikaaz man no gat notn fi gi fi get bak ihn uon suol!

Matthew 17:27

Bot, fi wi no afen dem, go dong dah di sii ahn chruo wan huk iin deh. Tek out di fos fish weh yo kech, uopm ihn mout, ahn yo gwain fain di silva chienj weh wi niid. Tek'ih ahn gi dem fi pie di taks fi mii ahn yo.”

Matthew 19:12

Bikaaz iina disya worl wi gat man weh no gwain marid, bikaaz som a dem wehn baan az yunok, ahn som a dem wehn get daty wie bai man, ahn den som a dem mek demself laik dat sieka di Kingdom a Hevn. So, mek di man dem weh kyan andastan disya tiichin, andastan ih!”

Matthew 23:15

“How haad unu gwain gat'ih, unu tiicha a di Laa ahn Pharisee pipl, unu hipokrit! Unu go aal uova di sii ahn pan lan fi mek pipl jain unu rilijan, ahn wen unu don, unu mek dem wot two taim muo an unu fi go dah hel.

Matthew 23:33

Unu jos laik sniek iina graas, unu! How unu gwain get-weh, wen unu aredy don kandem fi go dah hel?

Matthew 5:22

Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Matthew 5:30

Ahn if yu go ahed deh sin wid yo rait han, beta yo liv laik sombady weh gat ihn han chap aaf, bikaaz ih beta fi yo go ahed liv laik sombady wid one han, insida fi gat yo two han ahn yo huol bady go dah hel.

Mark 8:36

Wat wan man gwain get if ihn win di huol worl, ahn den ihn luuz ihn uon suol?

Luke 12:5

Bot Ah deh waan unu dah wada unu fi fried fah: fried fi God huu gat di powa fi kil di bady ahn den chruo unu suol iina hel. Yees, unu fi fried fi him!

Romans 6:6

Ahn wi nuo tu seh di laif weh wi yuuztu liv don ded siem laik wen dehn kil Jesus pahn di kraas, so dat di powa a sin weh yuuztu ruul wi laif kuda get distrai. Ahn dat miin wi no hafy stie sliev tu sin no muo.

Romans 8:13

Bikaaz, if unu jos deh liv laik how unu sinful nietyo tel unu fi liv, unu gwain ded. Bot, if unu mek God Spirit gi unu di powa so unu kyan stap du demde tingz weh unu bady tel unu fi du, unu gwain liv!

1 Corinthians 9:27

Ai triit mai bady rof, ahn kiip'ih aanda kanchruol. If Ah no du dat, mii miself maita get push out fahn di ries afta Ai don priich tu ada pipl —ahn dat Ai no waahn du nontaim!

Galatians 5:24

So, wen wi dah fi Jesus Christ, den wi uon sinful nietyo ahn aal demde tingz weh wi wehn yuuztu hat fi du, dah laik dehn get niel'op pahn wan kraas. Dehn ded fi chruut!

Colossians 3:5

So den, unu fi get rid ah aala demde sinful tingz now weh deh trai kanchruol unu. Unu fi kil aala dehn fiilinz, laik dem weh gat fi du wid eny kain a sin weh gat fi du wid seks. Ahn unu no fi liv eny kain a slak laif weh ful a los, nar kiip eny kain a bad tinkin iina unu main. Ahn unu no fi bii griidy, bikaaz dat miin seh unu deh waaship tingz muo an unu waaship God.