Matthew 5:22 - The New Testament in Islander Creole

²² Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Matthew 5:22 Iomraidhean Croise

Matthew 10:17

Luk out fi di pipl dem, bikaaz dehn gwain grab unu ahn ker unu dah di Kongsl dem, ahn dehn gwain biit unu op wid wan wip iina dehn sinigag tu.

Matthew 10:28

No fried a huu kyan kil unu bady, bot kyaahn kil di suol. Beta yo fried fi God huu kyan distrai di bady ahn di suol iina hel.

Matthew 12:24

Bot wen di Pharisee pipl dem hier dis, dehn staat seh, “Dah Beelzebul gi'im powa fi ron out di bad spirit dem. Beelzebul dah di baas ah aal di bad spirit dem.”

Matthew 17:5

Ihn stil wende taak, wen siem taim wan brait kloud apier'op uova dem ahn ih kova dem. Ahn wan vais kom outa di kloud ahn seh, “Dis dah mi Son weh Ah lov. Ah so proud a im. Hier weh ihn gat fi seh!”

Matthew 18:21

Den Peter kom op tu Jesus ahn aks im, “Laad, ho moch taim mi breda fi sin gens mi ahn Ah fi paadn im? Seven taim?”

Matthew 18:35

Den Jesus seh tu dem, “Dis dah how mi Faada iina hevn gwain triit unu if unu no paadn unu breda dem fahn dong iina unu haat.”

Matthew 23:15

“How haad unu gwain gat'ih, unu tiicha a di Laa ahn Pharisee pipl, unu hipokrit! Unu go aal uova di sii ahn pan lan fi mek pipl jain unu rilijan, ahn wen unu don, unu mek dem wot two taim muo an unu fi go dah hel.

Matthew 23:33

Unu jos laik sniek iina graas, unu! How unu gwain get-weh, wen unu aredy don kandem fi go dah hel?

Matthew 25:41

“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!

Matthew 26:59

Wail dah taim kom, di chiif priis dem ahn di huol Kongsl wende luk somting fi akyuuz Jesus aafa, so dehn kuda kandem im tu det.

Matthew 3:17

Afta dat wan vais fahn op dah hevn seh, “Dis dah mi Son, weh Ah lov so moch. Ah so proud a im!”

Matthew 5:34

Bot Ah deh tel unu: no tek uot fi notn ataal, nat iivn iina hevn niem, bikaaz hevn dah fi God,

Matthew 5:44

Bot Ai deh tel yo: Lov yo enimy dem, ahn prie fi dem weh triit yo bad,

Mark 14:55

Ahn iinsaid, di chiif priis dem ahn di huol Kongsl wende luk somting fi akyuuz Jesus aafa, so dehn kuda kandem im tu det. Bot dehn kudn fain notn ataal.

Mark 15:1

Suun-suun iina di maanin di chiif priis dem miit'op wid di ada Jewish rilijos liida, ahn di tiicha a di Laa dem, ahn di huol Jewish Kongsl ahn mek wan plan: dehn disaid fi tai op Jesus ahn ker im uova tu Pilate.

Luke 12:5

Bot Ah deh waan unu dah wada unu fi fried fah: fried fi God huu gat di powa fi kil di bady ahn den chruo unu suol iina hel. Yees, unu fi fried fi him!

Luke 22:66

Wen die-lait kom, di Kongsl ah aal di Jewish rilijos liida, di chiif priis, ahn di tiicha a di Laa dem miit'op tugeda, ahn dehn ker Jesus fronta dem. Dehn seh,

John 11:47

So di chiif priis ahn Pharisee dem kaal'op wan miitn a di Jewish Kongsl; ahn wen dehn get tugeda, dehn seh, “Dah weh wi fi du now? Dis man deh du aala dem mirakl.

John 15:25

Bot dat hapm jos laik how fi dehn Skriptyo seh ih wehn gwain hapm: ‘Dehn wehn hiet mi fi notn ataal.’

John 7:20

Den di kroud ansa Jesus seh, “Yuu mosy gat wan bad spirit! Dah huu waahn kil yo?”

John 8:48

Den di Jewish liida dem ansa Jesus seh, “Yuu no tink seh wii rait wen wii seh yuu dah fahn Samaria ahn yuu gat wan bad spirit iina yo?”

Acts 17:18

Ahn siem taim ihn wehn bok'op pahn som Epicurean ahn Stoic tiicha dem, ahn ihn gat wan aagyoment wid dem tu. Now Paul wende priich bout Jesus ahn di rezorekshan, so som a dem seh tu wan anada, “Dah weh dis disgostin man deh trai fi seh?” Bot som ada pipl seh, “Him luk laik ihn deh taak bout som gad weh wii no nuo bout.”

Acts 22:30

Now di komanda wehn riily waahn nuo fi chruut dah wai di Jew pipl dehn wehn afta Paul. So di neks die ihn tek aaf di chien dem ahn ihn aada di chiif priis dem ahn di huol Kongsl fi kom tugeda. Den ihn ker Paul fronta dem.

Acts 23:1

Paul luk striet pahn di memba dem a di Kongsl ahn seh, “Bredrin, op tu dis die Ai gat wan klier kanshans fronta God.”

Acts 24:20

Or, mek dem weh deh yah now tel yo dah weh kain a kraim dehn wehn fain mi deh du, wen Ah wende stan op fronta di Jewish Kongsl.

Acts 4:15

Dehn ongl aada Peter ahn John fi go outsaid til dehn kuda disaid weh fi du wid dem.

Acts 5:21

So, wen die-lait kom, dehn gaan dah di Templ jos laik weh di ienjel tel dem, ahn staat tiich di pipl dem weh wehn dedeh. Now, wen di Hai Priis ahn evrybady weh deh wid im kom di neks maanin, dehn kaal wan miitn a di Jewish Kongsl tugeda wid aal di ada rula dem fahn mongs di Israel pipl, ahn dehn sen dah di jiel fi dehn ker di apasl dem.

Acts 5:27

Wen dehn ker di apasl dem fronta di Jewish Kongsl, di Hai Priis staat kwestyan dem deh seh,

Acts 6:12

Wen dehn seh dat, dehn get aal di pipl beks, dongtu di uolda rilijos liida ahn di tiicha a di Laa dem. So dehn grab Stephen ahn ker im fronta di Jewish Kongsl.

Acts 6:15

Wen dehn seh dat, aala di liida dem iina di Kongsl staat luk striet pahn Stephen, bikaaz ihn fies wende staat shain laik fi wan ienjel!

Acts 7:37

Dis dah di siem Moses weh seh tu di son a Israel dem, ‘God gwain sen wan prafit tu unu, jos laik how ihn sen mi, ahn him gwain kom rait fahn mongs unu.’

Romans 12:10

Unu fi lov wan anada laik pipl weh dah fi di siem famaly; ahn bii hapy fi shuo plenty rispek tu aala unu Kristyan breda ahn sista dem.

1 Corinthians 6:10

ahn demde pipl weh tiif, or weh gat red ai, or weh drink til dehn jronk; ahn demde pipl weh taak bad bout ada pipl, ahn weh tiif pipl —non a dem no gwain gat non paat iina God Kingdom ataal!

1 Corinthians 6:6

Az fi unu, insida unu mek God pipl dem hangl demya kies, unu breda dehn ker wan anada dah kuot. Ahn dehn mek demde man, weh no chros iina God, joj di kies fi dem! Dat no deh gud ataal, bredrin.

1 Thessalonians 4:6

Ahn wan nada ting, non a unu fi tek advantij a eny biliiva, nar du eny rang tu im wen ih kom tu demya mataz. Wi wehn tel unu dis mesij aredy, ahn wi deh waan unu agen seh, di Laad gwain ponish enybady weh du demya tingz.

Titus 3:2

Ahn tel dem no fi taak bad bout nonbady, bot dehn fi bii piisabl pipl, weh frenly ahn weh triit evrybady iina wan ombl wie.

Hebrews 12:25

So, bredrin, mek shuor seh unu no rifyuuz fi obie di vais a di Wan weh deh taak tu unu now. Bikaaz, if di pipl dem neva get-weh, wen dehn neva obie dah Wan weh wehn taak tu dem fahn di mountin, den how unu tink unu gwain get-weh fahn di Wan weh deh taak tu unu now fahn hevn? Unu gwain kyaahn du'ih!

Hebrews 5:9

Ahn so, wen Jesus kom fi bii porfek iina God sait, chruu him aal demde pipl weh obie God kuda get siev, ahn liv fareva!

James 2:20

Unu fuul-fuul man! Unu waahn mek Ai shuo unu seh fiet bitout akshan no gud fi notn? Ai gwain du'ih:

James 3:6

Unu main: di tong dah wan faiya tu! Ih deh rait deh mongs di ada paats a di bady, bot ih ful'op a wikidnis weh kyan mes'op di huol a wan porsn, ahn kaaz wan bliez weh kyan distrai di huol a dehn laif! Ahn ih get dah faiya striet fahn hel!

1 Peter 2:23

Wen di pipl dem wehn insolt Christ, ihn neva insolt dem bak. Wen ihn wende sofa, ihn neva tretn dem. Ihn lef dem tu God, bikaaz God ongl joj striet.

1 Peter 3:9

Bot, if sombady du unu somting bad, unu no fi du somting bad bak tu dem. Ahn, if sombady insolt unu, unu no fi insolt dem bak agen niida. Insida dat, aks God fi bles dem, bikaaz dat dah weh God waahn unu fi du —ahn den ihn gwain bles unu!

1 John 2:9

So, enybady weh seh, “Ai deh liv iina di lait,” bot ihn hiet ihn breda or ihn sista, him stil yet deh liv iina daaknis!

1 John 3:10

Ahn dis dah how unu kyan nuo huu dah God pikniny dem, ahn huu dah fi di devl: aal di pipl dem weh no du weh rait, or weh no gat non lov fi ada pipl, dah no fi God!

1 John 5:16

Ahn, if unu si wan breda or wan sista deh sin iina wan wie weh no gwain liid dem tu det, den unu kyan prie far im, ahn God gwain gi'im laif. Bot dehn gat wan sin weh liid tu det. Ah no deh seh unu shuda prie bout dat.

Jude 1:9

Bot, iivn Michael ihnself —weh dah di grietis ienjel iina hevn— neva wehn tek'ih pahn himself fi akyuuz ahn taak bad bout di devl, wen dehn wende aagyo bout dah huu gwain get di rait fi get Moses bady. Insida dat, ihn ongl tel im seh, “Mek di Laad diil wid yuu!”

Revelation 20:14

Den, det ahn di plies weh det ruul get chruo iina di liek a faiya. Dis liek a faiya dah di sekant det.