Matthew 5:19 - The New Testament in Islander Creole

¹⁹ So enybady weh lef out wan a di likil'is komaanment dem ahn tiich ada pipl fi du di siem ting, demde pipl gwain get kaal di likil'is iina di Kingdom a Hevn. Bot enybady weh du aal weh ih seh ahn tiich, dehn gwain get kaal di bigis iina di Kingdom a Hevn.

Matthew 5:19 Iomraidhean Croise

Matthew 11:11

Ah deh tel unu seh: fi chruut, outa aal di pikniny weh eva baan fahn uman, non a dem gwain grieta an John di Baptist. Bot inspaita dat, sombady wid likl impuotans iina di Kingdom a Hevn grieta an John.

Matthew 19:28

Jesus seh tu dem, “Ah deh tel unu di chruut: wen di Son a Man kom sidong pahn ihn gluoryos chruon fi ruul, wen God mek aal tingz nyuu, aala unu weh wehn fala mi gwain sidong pahn twelve chruon fi joj di twelve traib a Israel.

Matthew 20:26

Ah no waahn unu fi liv laik so mongs unuself. Enybady weh waahn bii di bes, hafy bii di sorvant a di res a unu;

Matthew 28:20

ahn tiich dem how fi obie aal di tingz weh Ah wehn komaan unu. Memba dis: Ai gwain aalwiez deh wid unu dongtu di en a di worl!”

Luke 1:15

bikaaz yo son gwain bii wan impuotant man iina God sait. Ihn no fi drink wain nar strang drink; di Holy Spirit gwain kanchruol im fahn iina ihn muma bely.

Luke 11:42

“How haad unu gwain gat'ih, unu Pharisee pipl! Dah chruut unu gi God ten porsent ah aal weh unu gat, iivn dongtu di mint ahn di siiznin bush dem weh unu gat iina unu yaad, bot unu no fier wid pipl ahn unu no gat God lov iina unu haat. Wail ih gud fi gi God ihn ten porsent, unu fi pie main tu di ada impuotant tingz tu.

Luke 9:48

Jesus seh tu dem, “Enybady weh aksep dis likl pikniny bikaaz a mii, aksep mii tu; ahn enybady weh aksep mii, aksep di wan weh sen mii. Bikaaz di wan weh dah di liis mongs unu, dah di bigis.”

Acts 1:1

Dier Mista Theophilus: Iina di fos leta weh Ah wehn rait tu yu, Ah tel yu bout aal di tingz weh Jesus wehn du ahn tiich

Romans 3:8

Ahn if dat dah chruut, di pipl dem kuda seh den, “Mek wi du wikid tingz so gud kyan kom outa di wikid tingz weh wi du!” Dah chruut seh som pipl aredy deh akyuuz mi seh, dat dah weh Ai deh priich! Wel, God gwain joj demde kain a pipl weh deh tel lai pahn mi laik dat, ahn ihn gwain gi dem aal weh dehn dizorv!

Romans 6:1

So den, weh wi gwain seh? Wii shuda kiip aan deh sin jos fi mek God kyan kiip aan deh gi wi muo ahn muo gries?

Romans 6:15

So den, weh wi gwain du? Kiip aan deh sin jos bikaaz wi deh liv aanda God gries now, ahn bikaaz wi no liv aanda di Laa no muo? Neva, bredrin! Wi no fi du dat nontaim.

1 Timothy 6:11

Bot yuu, Timothy, yu dah wan man weh wehn gi'yo laif fi du weh God waahn yu fi du. So, yu no fi gat notn fi du wid demde kain a tingz. Insida dat, trai haad fi liv rait evry die, ahn fi liv fi pliiz God fi chros him wid aal yo haat, ahn lov di pipl dem. Ahn yu fi trai haad evry die fi stie chruu tu di Laad tu, iivn wen di haad taim dem kom, ahn fi triit evrybady wid pieshens.

Titus 3:8

Ahn demya tingz weh Ah deh tel yu dah chruut! So, Titus, yu fi ripiit dehn tingz aal di taim, so di biliiva dem weh gat dehn fiet iina God, fala demya tiichin ahn du plenty gud tingz aal di taim!

1 Peter 5:4

so dat wen di Chiif Shepad kom bak, unu gwain get wan kroun a gluory weh gwain neva fied-weh.

1 John 3:4

Bot evrybady weh sin, deh brok God Laa, bikaaz sin dah wen wi brok God Laa.

Revelation 2:20

Stil yet, Ah gat som tingz gens unu: Unu mek dah uman Jezebel weh seh shii dah wan prafit fahn God, stie deh mongs unu. Ahn unu iivn mek shii deh tiich unu rang tingz, laik fi iit fuud weh aafa tu di aidal dem ahn fi du aal dehn sin weh gat fi du wid slak laif.