Matthew 5:17 - The New Testament in Islander Creole

¹⁷ “Unu tink seh Ah wehn kom fi don weh wid Moses Laa or weh di prafit dem wehn tiich? Nuo sah, Ah no kom fi don weh wid dem ataal; Ah kom fi mek aal weh dehn seh wi fi du hapm.

Matthew 5:17 Iomraidhean Croise

Matthew 3:15

Bot Jesus ansa im seh, “No pie dat non main fi now, bikaaz ih gud fi wi kompliit aala weh God egzak fahn wi.” Afta ihn seh dat, John seh dah so.

Matthew 7:12

“Aal taim unu fi du fi ada pipl jos wat yo wuda waahn dehn du fi yo, bikaaz dis dah weh di Laa ahn di uol taim prafit dem wende tel yu fi du.

Luke 16:17

Bot dat no miin seh Moses Laa no impuotant agen. Ih muo iiziya fi hevn ahn ort disapier, an fi don weh wid di smaalis spek iina di Laa!

John 8:5

Now, Moses Laa seh wi fi lik dong tu det eny uman laik dis. So, dah weh yuu gat fi seh bout dis?”

Acts 18:13

Dehn seh, “Dis man deh tel pipl fi waaship God iina wan wie weh deh gens fi wi Laa.”

Acts 21:28

ahn baal out seh, “Aal unu Israelite man, kom help wi! Dis dah di man weh wende go roun deh tiich evrybady gens fi wi pipl, fi wi Laa ahn gens dis huoly plies. No ongl dat, bot ihn ker som Gentile man iina di Templ ahn kontaminiet ih!”

Acts 6:13

Ahn di wiknis dem, weh wende tel lai, seh, “Dis man aalwiez taak gens disya huoly Templ ahn Moses Laa.

Romans 10:4

Bikaaz God gwain mek evryting rait fi evry wan a wi, if wi ongl chros iina Christ. So, nonbady no hafy trai no muo fi get rait wid God chruu di Laa!

Romans 3:31

Bot dat miin seh wii deh seh di Laa no wot notn tu wi den, bikaaz wi chros iina Jesus? Nuo sah, nat ataal! Wi no gwain shub di Laa wan-said nontaim. Insida dat, wi shuo seh di Laa stil yet impuotant!

Romans 8:4

God du dis so dat now wi kuda satisfai aal weh di Laa seh rait fi wi du. Wi no deh liv di wie wi sinful haat tel wi fi liv; bot insida dat, wi deh liv fi du weh God Spirit tel wi fi du.