Matthew 5:16 - The New Testament in Islander Creole

¹⁶ Dah di siem wie, unu fi mek pipl si di lait iina unu, so dehn wi si aal di gud ting weh unu du, ahn dehn wi priez unu Faada iina hevn.

Matthew 5:16 Iomraidhean Croise

Matthew 23:5

Dehn du evryting jos fi pipl si dem. Jos so, dehn mek dehn filaktry ahn tasl dem uova big.

Matthew 23:9

Yahso unu no fi kaal nonbady pahn ort ‘faada,’ bikaaz unu ongl gat one Faada, ahn him dah di wan weh iina hevn.

Matthew 5:45

so yo kyan bii yo Faada iina hevn pikniny. Bikaaz ihn mek di son shain pahn di bad man dem ahn pahn di gud tu, ahn ihn gi rien tu dem weh du gud ahn dem weh du bad tu.

Matthew 6:16

“Enytaim unu faas, no mek'op unu fies laik if unu sad laik di hipokrit dehn du. Bikaaz dehn wi put dehn fies laik puor ting fi ada pipl biliiv dehn deh faas. Ah deh tel unu di chruut: dehn no gwain get no muo priez an weh dehn don gat!

Matthew 6:9

Dis dah how unu fi seh wen unu deh prie: ‘Fi wi Faada weh deh iina hevn, mek wi kiip yo niem huoly.

Matthew 9:8

Wen di paila pipl si dis, dehn get uova sopraiz ahn staat priez God fi si aal di powa, weh ihn gi som pipl fi kyuor di sik.

Luke 11:2

Jesus tel dem, “Wen unu prie, unu fi seh: ‘Faada: Mek wi kiip yo niem huoly; ahn mek yo Kingdom kom pan ort.

John 15:8

Wen unu bier plenty fruut, dat gwain shuo seh unu dah mi disaipl dem fi chruut, ahn chruu weh unu du, mi Faada gwain get plenty gluory.

Acts 9:36

Now iina di neks toun a Joppa, wan uman weh liv deh wehn niem Tabitha, weh iina di Greek langwij dah Dorcus. Shii dah wehn wan biliiva ahn spen aal ihn taim deh help puor pipl ahn du ada gud tingz.

1 Corinthians 14:25

Den, wen evryting iina ihn haat kom out iina di uopm, dah man gwain niil dong ahn waaship God, ahn tel di chorch seh, “God deh wid unu fi chruut!”

2 Corinthians 9:13

Memba: unu gwain deh bring gluory ahn priez tu God sieka dah gif weh unu gi. Ahn dat pruuv seh unu deh obie di Gud Nyuuz a Jesus Christ.

Galatians 1:24

So, dehn wende priez God fi si aal weh di Laad wende du iina mi laif!

Ephesians 2:10

Memba seh: God dah wehn di Wan weh wehn mek wi; ahn ihn mek wi wan wid Christ Jesus fi du gud tingz. Ahn him don plan fi wi du dehn gud tingz iina ihn main fahn lang-lang taim abak!

Ephesians 5:8

Unu unuself yuuztu bii laas iina di daaknis a sin, bot now unu dah di Laad uon pipl; so unu fi liv laik pipl weh gat datde lait!

1 Thessalonians 2:12

Wi wehn inkorij unu, ahn wi chier unu op, ahn wi beg unu fi kiip aan deh waak iina di wie weh fit fi God pipl dem fi waak. Bikaaz God kaal unu fi bii paat a fi him Kingdom ahn di gluory weh ihn gat.

1 Timothy 2:10

Insida dat, wan uman shuda du plenty gud tingz —demya dah di tingz weh wan uman shuda du, weh seh ihn lov God.

1 Timothy 5:10

Pan tapa dat, di pipl dem hafy nuo disya wido fi di gud tingz weh shii deh du. Ihn fi bii wan uman weh wehn riez'op ihn pikniny dem rait, ahn weh yuuztu welkom pipl iina ihn hous, ahn weh yuuztu wash di fut dem a God pipl dem, ahn help demya pipl weh deh sofa tu. Ihn fi bii wan uman weh wehn du plenty gud ting aal di taim.

1 Timothy 5:25

Iina di siem wie, som pipl du gud work ahn evrybady kyan si weh dehn deh du. Bot if di pipl dem kyaahn si dehn gud work now, iivn so lietaraan dehn gwain nuo.

1 Timothy 6:18

Komaan dem fi du gud. Dehn fi bii rich iina di gud tingz weh dehn deh du evry die; ahn bii frii-handid, redy fi shier weh dehn gat wid dem weh deh iina niid.

Titus 2:14

Dah him weh gi ihnself fi wii, so ihn kyan reskyu wi fahn evryting weh wikid, ahn ihn mek wi ihn speshal pipl wid pyuor haat weh riily waahn du gud!

Titus 2:7

Ahn yuu tu, Titus, yu fi bii wan gud egzampl iina evryting weh yu du, so evrybady kyan fala yo egzampl. Ahn, wen yu deh tiich, yu fi shuo seh yu miin weh yu seh ahn yu siiryos fi chruut.

Titus 3:14

Di biliiva dem dah Crete hafy laan how fi yuuz dehn taim fi du plenty gud tingz tu, so dehn kyan help ada pipl get weh dehn niid. Iina dah wie deh, demya pipl gwain liv wan laif weh wortwail.

Titus 3:4

Bot den, God, wi Sievya, shuo wi fi him kainis ahn ihn lov,

Hebrews 10:24

Ahn mek wi inkorij wan anada fi shuo lov ahn du gud.

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!

1 Peter 2:9

Bot unu dah di speshal pipl dem weh God wehn pik out. Unu dah priis weh dah fi God, di King. Unu dah wan nieshan weh God set wan-said fi ihnself. God bring unu fahn outa daaknis ahn put unu iina fi him wandaful lait. Now unu hafy tel evrybady aal di wandaful tingz weh God wehn du.

1 Peter 3:1

Siem wie, evry wan a unu marid uman fi put unu hozban fos. Den, if som a unu hozban no biliiv God Wod, unu kyan win im uova fi biliiv jos bai di wie unu bihiev. Unu no gwain iivn hafy seh wan wod tu im,

1 Peter 3:16

Bot unu fi du'ih iina wan nais wie ahn wid rispek, so dat unu kyan stie wid wan kliin kanshans. Den, if som pipl taak bad bout unu, dehn gwain fiil shiem wen dehn si di gud laif unu liv, bikaaz unu dah fi Christ.

1 Peter 4:11

So, if unu gat di gif fi priich; wel, priich God Wod gud. If unu gat di gif fi help ada pipl; wel, du'ih wid aala di strent weh God gi'yo. Unu fi du evryting so dat ih kyan bring ana tu God chruu Jesus Christ weh gat aal di gluory ahn powa iina him fareva ahn eva. Amen!

1 Peter 4:14

So den, kount'ih wan blesin wen dehn insolt unu bikaaz unu dah wan biliiva iina Christ. Dis shuo seh God Spirit deh wid unu!