Matthew 5:12 - The New Testament in Islander Creole

¹² Rijais ahn get glad wen dat hapm, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.

Matthew 5:12 Iomraidhean Croise

Matthew 16:27

Di Son a Man gwain kom wid ihn ienjel dem iina ihn Faada gluory, ahn ihn gwain gi evrybady wat dehn merit aafa wat dehn don du.

Matthew 6:16

“Enytaim unu faas, no mek'op unu fies laik if unu sad laik di hipokrit dehn du. Bikaaz dehn wi put dehn fies laik puor ting fi ada pipl biliiv dehn deh faas. Ah deh tel unu di chruut: dehn no gwain get no muo priez an weh dehn don gat!

Luke 13:34

“Ai Jerusalem, Jerusalem pipl, unu weh kil di prafit dem ahn lik dong wid rak dem weh di Laad sen tu unu! Plenty taim Ah wehn waahn bring unu tugeda, laik how wan hen gyada ihn likl chikin dem aanda ihn wing, bot unu neva waahn Ah du'ih!

Luke 6:23

Get glad wen dat hapm ahn daans wid jai, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.

Luke 6:35

Nuo, lov yo enimy ahn du gud fi dem! Gi bitout wiet bak pan notn. If unu du dat, Di Muos Hai God gwain pie unu bak plenty, ahn unu gwain bii ihn pikniny, bikaaz God iivn shuo kainis tu dem weh on'grietful ahn wikid.

Acts 16:25

Roun migl nait Paul ahn Silas wende prie ahn sing hims tu God, ahn di ada prizna dem wende hier dem.

Acts 5:41

Afta di apasl dem lef di Jewish rilijos liida dem, dehn wehn uova glad, bikaaz dehn wehn get fi sofa shiem sieka Jesus.

Romans 5:3

Ahn bisaidz dat, wi deh rijais tu, bikaaz iivn wen wi deh sofa, dat gwain help wi fi bier enyting weh kom tu wi.

1 Corinthians 3:8

Di wan weh plaant ahn di wan weh waata, deh work tugeda iina di siem ting. Ahn God gwain gi iich wan a dem dehn pie fi di work weh dehn du.

2 Corinthians 4:17

Ahn wi nuo seh di likl bit a trobl weh wi deh go chruu fi disya shaat taim dah no notn ataal, wen wi kompier ih tu di huol paila gluory weh wi gwain get, weh gwain laas fareva!

Philippians 1:29

So now unu gat di privilij no ongl fi chros iina Christ, bot fi sofa far im tu.

Philippians 2:17

Sieka unu fiet, unu deh sofa fi sorv God. Ahn mieby Ai gwain hafy sakrifais mi uon laif pahn tapa aal weh unu deh du fi di Laad. Bot iivn if dat hapm, Ah gwain ongl glad, ahn Ah deh shier dah jai wid aala unu.

Colossians 1:24

So, Ah ongl glad wen Ah kuda sofa fi unu iina mi bady, bikaaz den, Ah deh finish aaf weh lef a di sofarin weh Christ wehn hafy gaan chruu fi di chorch —weh dah ihn bady.

Colossians 3:24

Memba seh: dah di Laad Christ unu riily deh sorv, ahn dah him gwain pie unu.

1 Thessalonians 2:15

Demde kain a pipl dah dem weh wehn kil di prafit dem, ahn dehn wehn kil di Laad Jesus, ahn now dehn mek wi sofa uova bad tu. Fi chruut, God neva laik weh dehn deh du, ahn di chruut dah seh, nonbady els neva laik weh dehn deh du niida!

Hebrews 10:34

Ahn unu wuda fiil fi demde pipl weh wehn iina jiel tu. Unu wehn stie gud, iivn duo som ada pipl wehn tiif evryting weh unu wehn uon. Iina demde taim unu wehn nuo seh unu wehn gwain get beta ting —ting weh gwain laas fareva op iina hevn.

Hebrews 11:26

Moses wehn figa seh, ih wehn beta fi mek ihnself sofa sieka di Mesaya, an fi uon aala di richiz weh wende dah Egypt, bikaaz him wehn gat fi him ai pahn di pie weh God wehn gwain gi'im iina di fyutyo.

Hebrews 11:33

Dah wehn bikaaz a dehn fiet, dehn du tingz laik uova-chruo plenty kingdom ahn du weh rait, ahn so dehn wehn get weh God wehn pramis dem. Dehn wehn shet laiyan mout tu;

Hebrews 11:6

Di chruut dah seh, nonbady kyaahn pliiz God if dehn no gat fiet iina him, bikaaz enybady weh waahn kom tu God hafy biliiv seh him deh, ahn dat God gwain gi gud tingz tu di pipl dem weh saach far im wid aala dehn haat!

James 1:2

Bredrin, unu fi fiil glad enytaim unu ron iina eny kain a troblz ahn haad taim,

James 5:10

Luk pahn di uol taim prafit dem weh yuuztu priich egzakly weh di Laad God wehn tel dem, iivn duo dehn wuda sofa plenty far ih. Demde man weh wehn gat plenty pieshens, dah wehn wan gud egzampl fi unu.

1 Peter 4:13

Insida dat, unu fi glad seh, unu deh get di chaans fi shier iina Christ sofarin, bikaaz aftawod unu gwain get di jai fi shier iina ihn gluory tu, wen di taim kom fi dehn shuo ih tu di pipl a disya worl.