Matthew 5:11 - The New Testament in Islander Creole

¹¹ “So den, unu bles, wen dehn insolt unu, kiip unu dong, ahn seh aal kain a bad ting bout unu weh dah no so, jos sieka unu du weh Ah seh.

Matthew 5:11 Iomraidhean Croise

Matthew 10:18

Jos sieka unu dah mi falowa, dehn gwain dreg unu tu di govana ahn di king dem fi gi akount ah weh unu biliiv fronta dem ahn di Gentile pipl tu.

Matthew 10:22

Ahn evrybady gwain hiet unu sieka unu chros ahn fala mii. Bot enywan a unu weh kiip ihn fiet tu di en, gwain get siev.

Matthew 10:25

So wan disaipl shuda laan fi bii az waiz az ihn tiicha, ahn wan sorvant az waiz az ihn maasta. If dehn kaal di maasta a wan hous ‘Beelzebul,’ ho moch wosa dehn gwain taak bad bout di res a ihn famaly!

Matthew 10:39

Bikaaz enybady weh waahn siev ihn uon laif, gwain end'op deh luuz ih, bot enybady weh wi risk ihn uon laif jos fi mii, gwain siev ih.”

Matthew 19:29

Ahn evrybady weh lef dehn huom, or dehn breda or sista dem, or dehn pupa or muma, or dehn pikniny, or dehn lan jos sieka fi fala mii gwain get wan hundred taim muo an weh dehn wehn gat; ahn muo an dat, dehn gwain get fi liv fareva.

Matthew 24:9

“Iina demde diez dehn gwain gi unu uova fi dehn mek unu sofa plenty ahn den dehn gwain kil unu. Evrybady evrywie gwain hiet unu sieka unu chros ahn fala mii.

Matthew 27:39

Ahn di pipl dem weh wehn stil deh paas dehso wende insolt Jesus, deh shiek dehn hed,

Mark 13:13

Ahn evrybady gwain hiet unu sieka unu chros ahn fala mii. Bot enywan a unu, weh kiip ihn fiet tu di en, gwain get siev.

Mark 13:9

“Unuself fi wach out. Dehn gwain grab unu ahn ker unu dah di Kongsl dem. Ahn dehn gwain biit unu op iina di sinigag dem sieka mi, ahn unu gwain hafy gi akount ah weh unu biliiv fronta di govana ahn king dem.

Mark 4:17

Bot laik di ruut fi demya trii, di mesij weh dehn hier no go diip iina dem. So dehn no laas lang, ahn wen trobl kom, or wen pipl waahn fuos dem fi stap biliiv di mesij, dehn gi'op kwik.

Mark 8:35

Bikaaz enybady weh waahn siev ihn uon laif, gwain end'op deh luuz ih, bot enybady weh wi risk ihn uon laif jos fi mii ahn di gud nyuuz, gwain siev ih.

Luke 21:12

Bot bifuor aal dis hapm, dehn gwain grab unu ahn haraas unu; dehn gwain han unu uova tu di sinigag liida dem fi mek dem joj unu ahn jiel unu. Den dehn gwain bring unu fronta di king ahn govana dem sieka weh unu chros ahn fala mi.

Luke 21:17

Evrybady gwain hiet unu sieka unu chros ahn fala mii.

Luke 6:22

“Ahn unu gwain get bles wen dehn hiet unu, ahn rijek unu, ahn insolt unu, ahn dehn seh unu uova bad jos sieka unu chros iina di Son a Man.

Luke 9:24

Bikaaz enybady weh waahn siev ihn uon laif, gwain end'op deh luuz ih, bot enybady weh wi risk ihn uon laif jos fi mii, gwain siev ih.

John 15:21

Dehn gwain du aala demya tingz tu unu sieka unu dah fi mii, bikaaz dehn no nuo di Wan weh sen mi.

John 9:28

Den di Jew dem staat insolt di man; dehn seh, “Yuu dah wan a fi him falowa, bot wii fala Moses.

Acts 9:16

Ahn mii miself gwain shuo im ho moch ihn gwain sofa fi mek di pipl dem nuo dah huu mi.”

Romans 8:36

Dah jos laik weh di Skriptyo seh: “Sieka weh wii dah fi yu, wi deh iina dienja fi get kil aal di taim. Dehn triit wi jos laik demde shiip weh dehn deh ker fi go get kil.”

1 Corinthians 4:10

Sieka weh wi dah fi Jesus Christ, wi luk laik wii dah fuul; bot sieka him, unu get waiz! Wi wiik, bot unu ongl strang. Di pipl dem ana unu, bot dehn luk dong pahn wi!

2 Corinthians 4:11

Bikaaz, wail wi deh liv, wi aalwiez deh get ekspuoz tu det, so di pipl dem kyan si Jesus laif iina wi.

Philippians 1:29

So now unu gat di privilij no ongl fi chros iina Christ, bot fi sofa far im tu.

1 Peter 2:23

Wen di pipl dem wehn insolt Christ, ihn neva insolt dem bak. Wen ihn wende sofa, ihn neva tretn dem. Ihn lef dem tu God, bikaaz God ongl joj striet.

1 Peter 4:14

So den, kount'ih wan blesin wen dehn insolt unu bikaaz unu dah wan biliiva iina Christ. Dis shuo seh God Spirit deh wid unu!

Revelation 2:3

Unu sofa plenty ahn gaan chruu plenty haad taim bikaaz unu lov mii, ahn stil yet unu neva gi'op nar stap fala mi nontaim!