Matthew 5:10 - The New Testament in Islander Creole

¹⁰ Ahn dem weh dehn trai kiip dong jos sieka dehn du gud, bles tu; bikaaz di Kingdom a Hevn dah fi dem.

Matthew 5:10 Iomraidhean Croise

Matthew 10:23

Wen dehn deh trai fi grab unu iina wan toun, ron go iina di nada wan. Bikaaz Ah deh tel unu di chruut: unu no gwain don ron go tu aal di toun dem iina Israel lan bifuor di Son a Man kom bak.

Matthew 19:14

Bot Jesus seh, “Mek di likl pikniny dehn kom upaa Ah deh, ahn no henda dem fi kom, bikaaz di Kingdom a Hevn dah fi pipl laik dem.”

Matthew 25:34

Den di king gwain seh tu dem pahn di rait, ‘Kom, unu weh mi Faada wehn bles; kom get di Kingdom weh di Laad pripier fi unu fahn wen ihn fos mek di worl.

Matthew 5:3

“Dem weh puor iina spirit, bles; bikaaz di Kingdom a Hevn dah fi dem!

Mark 10:14

Wen Jesus nuotis wat di disaipl dem wende du, ihn get beks wid dem ahn seh, “Mek di likl pikniny dehn kom upaa Ah deh, ahn no henda dem fi kom, bikaaz God Kingdom dah fi pipl laik dem.

Mark 10:30

ihn gwain get bak one hundred taim muo a demde tingz iina disya laif: huom, breda, sista, muma, pikniny, ahn lan. Bot som pipl gwain gi'im haad taim aal bikaaz ihn fala mii; bot, iina di neks laif ihn gwain get fi liv fareva!

Luke 21:12

Bot bifuor aal dis hapm, dehn gwain grab unu ahn haraas unu; dehn gwain han unu uova tu di sinigag liida dem fi mek dem joj unu ahn jiel unu. Den dehn gwain bring unu fronta di king ahn govana dem sieka weh unu chros ahn fala mi.

Luke 22:29

so jos laik how mi Faada wehn gi mi di rait fi ruul, Ai deh gi unu dat siem rait.

Luke 6:20

Den Jesus luk striet pan ihn disaipl dem ahn seh: “Unu weh puor now, bles; bikaaz God Kingdom dah fi unu!

Luke 6:22

“Ahn unu gwain get bles wen dehn hiet unu, ahn rijek unu, ahn insolt unu, ahn dehn seh unu uova bad jos sieka unu chros iina di Son a Man.

John 15:20

Unu no memba weh Ah wehn tel unu? Ah seh: ‘Wan sorvant no beta an ihn maasta.’ If di pipl dem wehn gi mi haad taim, den dehn gwain gi unu haad taim tu; if dehn wehn lisn tu mii, dehn gwain lisn tu unu tu.

Acts 5:40

Di Kongsl disaid fi fala di advais weh Gamaliel gi dem. So, dehn kaal iin di apasl dem, biit dem op, ahn aada dem no fi taak bout Jesus no muo. Den dehn let dem go.

Acts 8:1

Now Saul wende rait dehso; ihn wehn grii wid aal weh wehn gaan aan. Ahn pahn dat siem die wan big prablem brok out gens dem weh dah wehn paat a di chorch fahn Jerusalem. Ih wehn so moch dat aal di biliiva —eksep di apasl dem— wehn skyata aal uova Judea ahn Samaria kontry-said.

2 Corinthians 4:17

Ahn wi nuo seh di likl bit a trobl weh wi deh go chruu fi disya shaat taim dah no notn ataal, wen wi kompier ih tu di huol paila gluory weh wi gwain get, weh gwain laas fareva!

Philippians 1:28

So, unu no fi fried ataal fi demya pipl weh deh fait gens unu. Dis dah wan sain fi aala dem seh dehn don duum fi distrokshan, bot God don put unu wan-said fi siev unu!

2 Timothy 2:12

If wi no gi'op, wi gwain ruul wid im! If wi seh wi no nuo im, him tu gwain seh ihn no nuo wii.

2 Timothy 3:11

Yu nuo how di pipl dehn fait mi, ahn aal di persikyuushan ahn sofarin Ah gaan chruu. Yu nuo weh hapm tu mi iina Antioch ahn Iconium sity dem ahn iina Lystra tu —aal di bad tingz weh di pipl dehn du mi, weh Ah wehn hafy bier. Stil yet, di Laad ker mi chruu aala demde uova tof tingz!

James 1:12

Memba seh: di biliiva weh go chruu plenty troblz bitout gi'op, him dah di wan weh gwain bii hapy; bikaaz di kroun weh demde kain a pipl gwain get, dah laif weh neva gwain don nontaim ataal. Ahn dat dah di praiz weh God wehn pramis evrybady weh lov im.

James 5:11

Wii kaal demde pipl hapy ahn bles, bikaaz dehn gaan chruu plenty trobl ahn neva gi'op. Ahn Ah shuor seh unu wehn hier bout Job tu, how ihn huol aan aal chruu fi him troblz ahn neva gi'op nontaim. Si weh God du far im pahn di en? Ihn bles im plenty. So wi si how di Laad lov wi bad; him haat ongl saaf tuwaadz wi weh wiet pahn im.

1 John 3:12

Wi no fi bii laik Cain, weh dah wehn fi di Bad Wan, ahn weh kil ihn breda. Ahn wai Cain wehn kil im? Bikaaz evryting weh Cain wehn du, wehn wikid; ahn evryting weh ihn breda wehn du, wehn rait iina God sait!

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!