Matthew 4:9 - The New Testament in Islander Creole

⁹ Ihn tel Jesus, “Ah gwain gi'yo aal demya tingz if yo jos niil dong ahn waaship mii!”

Matthew 4:9 Iomraidhean Croise

Matthew 26:15

ahn seh, “Wat unu wi gi mi if Ah han Jesus uova tu unu?” Ahn dehn gi'im thirty piis a silva chienj,

Matthew 4:10

Den Jesus tel im, “Gwaan fahn mi, Satan! bikaaz ih rait dong seh, ‘Yo fi waaship di Laad yo God ahn ongl him yo fi sorv.’ ”

John 12:31

Di taim kom now fi mek God joj di pipl iina disa worl, ahn him gwain chruo out Satan, weh dah di wan weh deh ruul dis worl.

John 13:3

Now Jesus wehn nuo seh di Faada wehn don gi'im aal di powa fi du evryting, ahn seh ihn wehn kom fahn God ahn ihn gwain bak tu im.

John 14:30

Bot Ah no gwain taak wid unu so moch afta dis, bikaaz di wan weh deh ruul disa worl deh kom. Him no gat non powa uova mii,

John 16:11

Den, dehn rang bout God jojment tu, bikaaz di wan weh ruul dis worl don get joj aredy.

2 Corinthians 4:4

Demde pipl no biliiv weh wi deh seh, bikaaz Satan —weh dah di god a disya worl— don blain dehn two ai dem, so dehn kyaahn si di lait a di Gud Nyuuz bout di gluory a Christ, weh shuo wi egzakly weh God laik.

1 Timothy 3:6

Wan chorch liida no fi bii wan man weh jos kom fi chros iina Christ niida, bikaaz den ihn maita get swel-hed. Ahn den, di devl gwain temp im ahn mek ihn faal!

Revelation 19:10

Den, Ah faal dong fronta di ienjel dah ihn fut dem fi waaship im. Bot ihn tel mi seh, “Yo no fi du dat! Ai dah God sorvant jos laik yu ahn di ada biliiva dem —aal demde pipl weh deh fala di chruu wod weh Jesus tel wi! Yuu fi waaship God aluon! Bikaaz evrybady weh tel di chruut bout Jesus, du'ih chruu di powa fahn di Holy Spirit laik di prafit dem.”

Revelation 19:16

Ahn wan niem wehn rait pahn ihn kluoz ahn pahn ihn leg tu weh seh: King uova aal di ada king dem Ahn: Laad uova aal di ada laad dem