Matthew 4:4 - The New Testament in Islander Creole

⁴ Bot Jesus ansa im seh, “Nuo, bikaaz ih rait dong iina God buk seh, ‘Nonbady fi liv ongl aafa bred, bot wi fi liv aafa evry wod weh kom outa God mout.’ ”

Matthew 4:4 Iomraidhean Croise

Matthew 15:11

Dah no notn weh wan porsn iit weh spail im; bot weh spail im dah di tingz dem weh kom outa ihn mout.”

Matthew 4:10

Den Jesus tel im, “Gwaan fahn mi, Satan! bikaaz ih rait dong seh, ‘Yo fi waaship di Laad yo God ahn ongl him yo fi sorv.’ ”

Matthew 4:7

Jesus ansa, “Nuo, bikaaz ih rait dong tu seh, ‘Yo no fi tes di Laad yo God.’ ”

Mark 7:20

Ihn kantinyo ahn seh, “Dah wat kom outa di porsn weh spail im,

Luke 4:12

Jesus ansa, “Nuo, bikaaz ih rait dong tu seh, ‘Yo no fi tes di Laad yo God.’ ”

Luke 4:4

Jesus ansa im seh, “Nuo, bikaaz ih rait dong iina God buk seh, ‘Nonbady fi liv ongl aafa bred.’ ”

Luke 4:8

Jesus ansa, “Nuo, bikaaz ih rait dong seh, ‘Yo fi waaship di Laad yo God ahn ongl him yo fi sorv.’ ”

John 15:26

“Now wen di Helpa, weh Ah gwain sen tu unu fahn di Faada kom —weh Ah miin dah di Spirit weh kom fahn di Faada ahn weh tel di chruut aal taim— wel, him dah di Wan weh gwain mek unu nuo bout mii.

John 6:63

Dah God Spirit weh gi riil laif; di bady no wot notn ataal. Di wod dem weh kom outa mi mout dah fahn God Spirit, so demde gat riil laif!

Romans 15:4

Memba seh: evryting weh wehn rait dong iina di Skriptyo fahn lang taim abak wehn rait dong fi tiich wi tudeh, so wi gwain kyan luk ahed wid pieshens tu weh gwain kom, sieka di huop weh di Skriptyo gi wi.

Ephesians 6:17

Ahn unu fi mek di salvieshan weh God gi unu, protek unu gud laik wan helmit weh dah suoldya wier pahn ihn hed. Ahn unu fi mek God Wod weh di Holy Spirit gi unu, bii laik di suod weh wan suoldya gat fi fait gens ihn enimy dem.