Matthew 4:3 - The New Testament in Islander Creole

³ Den di devl weh temp pipl gaan tu im ahn tel im, “If yuu dah God son fi chruut, tel demya rak dem fi ton iina bred.”

Matthew 4:3 Iomraidhean Croise

Matthew 14:33

Den di res a dem iina di buot staat waaship Jesus, deh seh, “Yuu dah God son fi chruut!”

Matthew 16:16

Simon Peter ansa, “Yuu dah di Christ, di Son a di livin God!”

Matthew 26:63

Bot Jesus neva seh wan wod. Den di Hai Priis seh tu im, “Ah aada yo iina di niem a di livin God fi tel wi if yuu dah di Mesaya, God Son!”

Matthew 3:17

Afta dat wan vais fahn op dah hevn seh, “Dis dah mi Son, weh Ah lov so moch. Ah so proud a im!”

Mark 1:1

Dis dah di biginin a di Gaaspl, di gud nyuuz bout Jesus Christ, God son.

Mark 3:11

Ahn wen di pipl weh wehn gat bad spirit iina dem si'im, dehn wuda hiiv dehnself dong fronta im ahn baal out, “Yu dah God Son!”

Mark 5:7

ahn baal out pan tapa ihn vais, “Jesus, Son a di Muos Hai God, dah weh yo waahn wid mi? Ah deh beg yo, fi God siek, no fi haraas mi!”

Luke 1:35

Di ienjel ansa im seh, “Di Holy Spirit gwain kom uova yo, ahn di powa a di Muos Hai God gwain kova yo, so dehn gwain kaal di bieby weh gwain baan di huoly Son a God.

Luke 22:70

Aala dem aks im, “So yuu dah di Son a God, den?” Jesus ansa, “Dah yu yoself deh seh Ai dah him.”

Luke 4:3

Den di devl seh tu Jesus, “If yuu dah God son fi chruut, tel disa rak fi ton iina bred.”

Luke 4:41

Ahn ihn ron out plenty bad spirit outa plenty pipl, ahn di spirit dem baal out seh, “Yuu dah God Son!” Bot Jesus tel dem fi les naiz, bikaaz dehn wehn nuo seh him dah wehn di Mesaya.

Luke 4:9

Den di devl ker Jesus dah Jerusalem, ahn put im fi stan op pan di haiyis paat a di Templ. “If yuu dah God son,” di devl seh, “chruo dong yoself fahn op yahso,

John 1:34

Wel, mii miself wehn si'it hapm, ahn Ah deh tel unu seh dah him dah God Son, fi chruut.”

John 1:49

Nathaniel tel Jesus, “Rabbi, yuu dah God Son fi chruut. Yuu dah di King a Israel!”

John 20:31

Demya tingz weh Ah wehn rait dong dehso, Ah du'ih fi unu biliiv seh Jesus dah di Christ, God Son; ahn fi, wen unu biliiv, unu kyan get riil laif iina fi him niem.

John 9:35

Jesus hier seh dehn wehn chruo out di man outa di sinigag, ahn wen ihn fain im, ihn seh, “Yuu biliiv iina di Son a Man?”

Acts 9:20

ahn ihn neva wies nontaim fi staat priich iina di sinigag dem deh seh, “Jesus dah God Son fi chruut!”

2 Corinthians 1:19

Bikaaz Jesus Christ, God Son, weh mii ahn Silas ahn Timothy wehn tel unu bout, dah no sombady weh seh, “Yees!” wan minit, ahn “Nuo!” di neks! Jesus dah aalwiez di “Yees!” a God. Ahn him aalwiez grii wid God, bikaaz chruu Jesus evry wan a God pramis dem kom chruu. Dat dah weh mek wi seh, “Amen, dat dah so!” iina Jesus Christ niem enytaim wi deh gi God gluory.

Galatians 2:20

Ahn di ting dah seh: dah no riily mii deh liv no muo, bot dah Jesus Christ himself deh liv iina mi. Ahn di wie Ai deh liv mi laif now dah bai di fiet weh Ah gat iina God Son, huu lov mi ahn wehn gi ihn laif fi mi.

1 Thessalonians 3:5

Dat dah wai, wen Ah kudn tek'ih no muo, Ah wehn sen Timothy fi fain out if unu stil yet gat fiet iina God. Ah wende huop seh Satan —di wan weh laik temp pipl— neva kom temp unu tu di paint fi mek aal di work weh wi wehn put iina unu gaan tu notn!

Hebrews 12:16

Unu main! No mek non a unu sliip roun niida, nar shuo non rispek fi somting weh huoly, laik Esau wehn du, wen ihn sel aala fi him raits az di uolda son fi wan likl miiga miil. Imajin!

Hebrews 4:14

So den, bredrin, bikaaz wi gat wan griet Hai Priis weh dah Jesus, di Son a God, weh gaan op iina hevn, mek wi huol aan tait tu weh wi wehn seh ahn biliiv bout im.

Hebrews 7:3

Now, di Skriptyo no seh notn bout Melchizedek muma nar ihn pupa niida, nar ihn uol pierans dem, nar di biginin a ihn laif, nar di en. Him dah laik di Son a God, so him gwain bii wan Priis fareva.

1 John 3:8

Bot evrybady weh kiip aan deh sin dah di devl pikniny, bikaaz di devl deh sin fahn di biginin! Ahn dis dah wai di Son a God wehn kom fah: ihn kom fi distrai aal weh di devl du.

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!