Matthew 27:22 - The New Testament in Islander Creole

²² So Pilate seh tu dem, “So weh Ah fi du wid Jesus, weh unu kaal di Christ?” Ahn aala dem seh, “Niel'im op pan wan kraas!”

Matthew 27:22 Iomraidhean Croise

Matthew 1:16

ahn Jacob dah wehn Joseph pupa, ahn Joseph dah wehn Mary hozban. Mary dah di siem uman weh Jesus wehn baan outa, di siem Jesus weh dehn kaal “Christ.”

Matthew 27:17

So, wen di pipl dem don gyada op, Pilate aks dem, “Wish wan a di man dem unu waahn Ah le'go fi unu, Barabbas, or Jesus, weh dehn kaal Christ?”

Matthew 27:21

So di govana seh tu dem, “Wish wan outa di two man unu waahn Ah le'go fi unu?” Dehn seh, “Barabbas!”

Matthew 27:23

Den Pilate aks dem, “Wai? Dah wat ihn du bad, so unu waahn im fi ded?” Bot di pipl dem kiip deh seh haada ahn haada, “Niel'im op pan wan kraas!”

Mark 14:55

Ahn iinsaid, di chiif priis dem ahn di huol Kongsl wende luk somting fi akyuuz Jesus aafa, so dehn kuda kandem im tu det. Bot dehn kudn fain notn ataal.

John 4:25

Di uman tel Jesus, “Ah nuo seh di Mesaya gwain kom. (Dat dah di siem wan weh dehn kaal Christ.) Ahn wen im kom, him gwain mek wi nuo evryting.”

Acts 13:28

Ahn iivn wen dehn kudn fain non gud riizn ataal fi kandem im tu det, stil yet dehn aks Pilate fi put im tu det.

Acts 13:38

“So bredrin, unu fi andastan weh wi deh trai tel unu: unu kyan get fargivnis fi unu sin dem chruu Jesus. Ih dah laik dis: Di Laa weh Moses wehn gat kuda neva frii unu fahn aala unu sin dem, bot enybady weh chros iina Jesus get frii fahn dehn sin chruu him.