Matthew 26:70 - The New Testament in Islander Creole

⁷⁰ Bot Peter tel im fronta evrybady seh, “Nuo sah! Ah no nuo dah weh yu deh taak bout.”

Matthew 26:70 Iomraidhean Croise

Matthew 26:51

Siem taim wan a di disaipl weh wehn dedeh wid Jesus haal out ihn suod, weh ihn wehn gat, chop di Hai Priis sorvant ahn kot aaf ihn iez.

Matthew 26:56

Bot wat hapm now dah weh di prafit dem wehn rait dong iina di Skriptyo, ahn ih mos hapm how ih seh.” Den aal di disaipl dem lef im deh ahn ron gaan weh.

Matthew 26:58

Bot stil yet, Peter wende fala Jesus fahn foor til ihn get iina di Hai Priis kuot-yaad. Ahn ihn gaan sidong mongs di Templ gyaad dem fi si wat dehn gwain du wid Jesus.

Matthew 26:69

Now Peter wende sidong outsaid iina di kuot-yaad, wen wan sorvant gyal kom op tu im ahn seh, “Yuu wende wid Jesus fahn Galilee tu.”

Matthew 26:71

Ahn wen ihn wehn gwain outsaida di giet, wan nada sorvant gyal si'im ahn seh tu di pipl dem weh wehn dedeh, “Dis man wende wid Jesus fahn Nazareth tu!”

Luke 22:57

Bot Peter neva waahn admit'ih. Ihn seh, “Uman, Ah no iivn nuo him.”

Romans 11:20

Dat dah chruut, bot dehn wehn brok aaf sieka dehn neva biliiv; ahn unu deh iin, bikaaz unu wehn don biliiv! Bot unu no fi get swel-hed bout dat ataal. Main, unu mek shuor seh unu kiip aan deh biliiv God, or tingz gwain go bad fi unu agen!

1 Corinthians 10:12

So, if enywan a unu tink seh unu deh stan op strang, unu beta wach out; main unu no faal dong tu!

Revelation 21:8

“Bot, dis dah weh gwain hapm tu aala demde pipl weh wehn fried fi stan op fi God ahn demde pipl weh no chros iina Christ no muo, dem weh du dehn doty sin, dem weh deh kil, dem weh sliip roun, dem weh deh du uobya, dem weh deh waaship di tingz dem weh dehn mek fi demself, ahn aala dem weh tel lai. Aala dem weh deh du demde kain a tingz, dehn plies gwain bii iina di liek a faiya weh deh bon wid solfa! Ahn dat dah di sekant det!”