Matthew 26:64 - The New Testament in Islander Creole

⁶⁴ Jesus seh tu im, “Dah yu yoself deh seh Ai dah him, bot Ah deh tel unu seh, fahn rait now unu kyan staat luk fi si di Son a Man deh sidong dah di plies a ana saida di Aalmaity. Ahn unu gwain si'im deh kom bak dong iina di kloud fahn hevn.”

Matthew 26:64 Iomraidhean Croise

Matthew 16:27

Di Son a Man gwain kom wid ihn ienjel dem iina ihn Faada gluory, ahn ihn gwain gi evrybady wat dehn merit aafa wat dehn don du.

Matthew 16:28

Hier dis chruut weh Ah deh tel unu: Som a unu weh deh yah no gwain ded til dehn si seh di Son a Man deh kom iina ihn Kingdom.”

Matthew 22:44

‘God tel mai Laad: Sidong dah mi rait said, til Ah put yo enimy dem aanda yo fut.’

Matthew 24:30

Den di sain weh dah di Son a Man, gwain apier'op iina di skai, ahn aal di traib dem pahn di ort gwain hala wen dehn si di Son a Man deh kom bak pahn hevn kloud dem wid plenty powa ahn gluory.

Matthew 25:31

“Wen di Son a Man kom iina ihn gluory wid aal ihn ienjel dem, ihn gwain sidong pahn ihn gluoryos chruon.

Matthew 26:25

Den Judas —di siem wan weh wehn gwain sel'im out— seh, “Tiicha, dah no mii, no chruut?” Jesus seh tu im, “Judas, dah yu yoself deh seh yu dah him.”

Matthew 27:11

Den, dehn mek Jesus stan op fronta di govana, ahn di govana aks Jesus, “Dah yuu dah di King fi di Jew pipl dem?” Ahn Jesus ansa, “Dah yu yoself deh seh Ai dah him.”

Matthew 28:18

Den Jesus kom op tu ihn falowa dem ahn tel dem, “God gi mi aal di atarity iina hevn ahn pahn ort;

Matthew 8:20

Jesus tel im, “Di faks dem gat huol ahn di bord iina di skai dem gat nes, bot di Son a Man no gat no weh fi put ihn hed.”

Mark 14:62

Jesus ansa ahn seh, “Mii dah Him; ahn unu gwain si di Son a Man deh sidong dah di plies a ana, weh deh dah di rait han saida di Aalmaity. Ahn unu gwain si'im deh kom bak dong iina di kloud fahn hevn.”

Luke 21:27

Den, dehn gwain si di Son a Man deh kom bak iina wan kloud wid plenty powa ahn gluory.

Luke 22:69

Bot fahn now aan di Son a Man gwain deh sidong dah di plies a ana, weh deh dah di rait han saida di Aalmaity God.”

Luke 22:70

Aala dem aks im, “So yuu dah di Son a God, den?” Jesus ansa, “Dah yu yoself deh seh Ai dah him.”

John 18:37

Pilate aks Jesus, “So yuu dah wan king den?” Jesus ansa ahn seh, “Dah yu yoself deh seh Ai dah wan king; bikaaz Ah baan ahn kom iina dis worl fi wan riizn: fi tel di chruut. Ahn evrybady weh lov di chruut lisn tu weh Ah deh seh.”

Acts 1:11

Dehn seh, “Unu man fram Galilee lan, dah wai unu deh stan op deh, deh luk op iina hevn so? Dis siem Jesus weh God don tek op fahn mongs unu ahn get ker'op dah hevn; wel, ihn gwain kom bak di siem wie how unu jos si'im gaan op.”

Romans 14:10

So, non a unu shuda joj unu breda. Ahn non a unu shuda tink seh unu muo beta an unu breda. Bikaaz aala wi gwain stan op fronta God weh gwain joj wi.

1 Thessalonians 4:16

Bikaaz pahn Dat Die, aal di pipl dem pahn ort gwain hier wan haad vais gi di komaan. Dehn gwain hier di vais a di hed ienjel, ahn ihn gwain bluo God trompit. Ahn den di Laad ihnself gwain kom dong fahn hevn. Ahn demya pipl, weh wehn ded —weh don chros iina Christ— dehn gwain riez'op fos!

Hebrews 1:3

God Son dah di Lait weh shuo wi God griet gluory. So, wen unu si di Son, unu deh si God tu, bikaaz di Son dah di siem jos laik God. Ahn chruu di powa a ihn wod, di huol worl ahn evryting weh egzis, deh huol tugeda. So, wen God Son don wash weh fi wi sin dem, ihn gaan op iina hevn, gaan sidong bai di rait saida God di Muos Powaful Wan!

Hebrews 12:2

Ahn mek wi kiip wi ai dem pahn Jesus, bikaaz wi fiet dipen pahn him fahn staat til wi get dah di en! Memba seh: him gaan chruu di shiem ahn mek dem niel'im op pahn wan kraas, ahn ihn neva tink notn a ih bikaaz ihn nuo seh, pahn di en ihn wehn gwain mek im hapy fi du'ih. Ahn now, ihn deh sidong pahn di rait han saida God chruon!

Revelation 1:7

Ah deh tel unu seh Jesus gwain kom iina di kloud dem, ahn di pipl dem fahn aal di nieshan iina di worl gwain si'im —iivn dem weh straik im iina ihn said wid wan lans! Dehn gwain muon ahn hala fi weh dehn du im. Dah so ih gwain bii. Amen!

Revelation 20:11

Den, Ah si wan big wait chruon ahn di Wan weh wende sidong pan ih. Ahn di ort ahn di skai jos disapier fahn fronta dah Wan pahn di chruon, ahn nonbady neva si dem no muo!