Matthew 26:38 - The New Testament in Islander Creole

³⁸ Den ihn seh tu dem, “Di sadnis weh Ah fiil rait now so big Ah fiil laik ih gwain kil mi. Unu wiet rait yahso, ahn stie wiek wid mi.”

Matthew 26:38 Iomraidhean Croise

Matthew 25:13

Den Jesus seh tu dem, “So, unu beta kiip unu ai uopm, bikaaz unu no nuo wish die nar wish owa Ah deh kom bak.

Mark 14:34

Ahn Jesus tel dem, “Di sadnis weh Ah fiil rait now so big Ah fiil laik ih gwain kil mi. Unu wiet rait yahso, ahn no drap asliip.”

John 12:27

“Now mi haat uova hevy, so weh Ah fi seh, ‘Faada, siev mi fahn disya taim a sofarin weh Ah hafy go chruu’? Bot dah dat Ah kom fah; dah fi dis taim di Faada wehn sen mi.

Romans 8:32

God neva iivn kiip ihn uon Son fahn sofa. So den, wen God gi ihn uon Son fi aala wi, wi kyan nuo fi shuor seh ihn gwain gi wi evryting els weh wi niid.

2 Corinthians 5:21

Memba: dah sieka aala wi sin, God put dah sin pahn Christ —iivn duo him neva sin— so dat wii kuda bii wan wid Christ, ahn evryting get rait bitwiin wii ahn God.

Galatians 3:13

Bot, Jesus Christ frii wi fahn di kandemnieshan weh di Laa kom wid. Sieka weh Jesus heng pahn di kraas, him tek aan di ponishment fi aala wi sin dem pan ihnself. Az di Skriptyo seh, “Enybady weh heng pahn wan trii, deh aanda wan kandemnieshan.”

1 Peter 2:24

Ahn Christ himself ker fi wi sin dem iina fi ihn bady pahn di kraas, so dat wi kuda ded tu sin ahn liv fi weh rait. Dah chruu di kot ahn di bruuz dem weh ihn wehn sofa fi wi, wii kyan get hiil.

1 Peter 3:18

Christ wehn sofa fi unu tu, wen ihn wehn ded fi wii sinaz wans ahn far aal. Him wehn neva sin, bot ihn ded fi wi sin dem, so dat ihn kuda bring aala wi sief huom tu God. Bikaaz Christ wehn sofa wen dehn put ihn bady tu det, bot den ihn riez'op bak iina di spirit!

1 Peter 4:7

Bredrin, unu main! Di en a di worl suun kom, so unu hafy get siiryos ahn kanchruol unuself, so dat unu kyan prie gud.