Matthew 26:35 - The New Testament in Islander Creole

³⁵ Bot Peter seh tu Jesus, “Nuo sah, nat iivn if Ah hafy ded wid yo, Ah no gwain seh Ah no nuo yo!” Ahn di res a di disaipl dem seh di siem ting.

Matthew 26:35 Iomraidhean Croise

Matthew 10:33

Bot di wan weh seh ihn no nuo mi fronta ada pipl, Ai gwain seh Ah no nuo im niida fronta mi Faada iina hevn.

John 13:37

So Peter aks im, “Bot Laad, wai Ah kyaahn go wid yo now? Ah wuda dongtu ded fi yo!”

Romans 11:20

Dat dah chruut, bot dehn wehn brok aaf sieka dehn neva biliiv; ahn unu deh iin, bikaaz unu wehn don biliiv! Bot unu no fi get swel-hed bout dat ataal. Main, unu mek shuor seh unu kiip aan deh biliiv God, or tingz gwain go bad fi unu agen!

1 Corinthians 10:12

So, if enywan a unu tink seh unu deh stan op strang, unu beta wach out; main unu no faal dong tu!

Philippians 2:12

So den unu, weh dah mi gud fren dem, jos laik how unu aalwiez du —weh Ah wehn tel unu fi du wen Ah wende wid unu— ih iivn muo impuotant fi du weh Ah tel unu now, wen Ah no dedeh wid unu. Siem wie, sieka weh Jesus Christ deh siev unu, unu shuda gat so moch rispek fi God seh unu wuda fried fi du enyting weh wuda mek unu luk laik unu no siev! Bikaaz, God dah di wan weh deh work iina unu haat fi mek unu mek'op unu main fi du di gud tingz weh ihn don plan fi unu, ahn ihn gwain gi unu di powa fi du'ih tu.

1 Peter 1:17

Unu nuo seh God dah unu Faada, bot memba tu seh, ihn no gat non fievarit nontaim. Him gwain joj unu, or ihn gwain pie unu bai weh unu du. So den, spen di res a unu laif yah pahn ort, deh ana ahn rispek im!