Matthew 26:28 - The New Testament in Islander Creole

²⁸ Bikaaz dis dah mi blod weh gwain ron fi plenty pipl kyan get paadn fi dehn sin dem, ahn ih gwain mek wan nyuu agriiment bitwiin God ahn ihn pipl dem.

Matthew 26:28 Iomraidhean Croise

Matthew 20:28

Dah rait so di Son a Man deh; ihn no kom fi di pipl dehn sorv im, bikaaz him kom fi sorv ahn fi gi ihn laif fi pie fi plenty pipl sin.”

Matthew 26:27

Den Jesus tek op wan kop a wain ahn gi God tanks fi ih. Den ihn giv it tu ihn disaipl dem ahn seh, “Unu drink outa ih, aala unu.

Matthew 26:29

Ah deh tel unu: Ah no gwain drink no muo wain til di die wen Ah drink nyuu wain wid unu iina mai Faada Kingdom.”

Matthew 6:12

ahn fargiv wi sin dem, jos laik wii fargiv evrybady weh du wi bad tingz tu.

Mark 1:4

Dis mesinja dah wehn John di Baptist. Ahn jos laik how Isaiah wehn seh, John apier'op iina di dezart, ahn ihn priich ahn baptaiz di pipl dem. John seh tu dem, “Ripent ahn baptaiz so God kyan paadn unu sin.”

Mark 14:24

Ahn Jesus seh, “Dis dah mi blod weh gwain ron fi plenty pipl; mi blod weh gwain mek wan nyuu agriiment bitwiin God ahn ihn pipl dem.

Luke 22:19

Den ihn tek wan bred, ahn afta ihn gi God tanks, ihn brok'ih, ahn ihn gi dem ahn seh, “Dis dah mi bady weh Ah deh gi fi unu. Du dis fi unu rimemba mi.”

Luke 22:20

Siem wie Jesus tek op wan kop a wain afta dehn don iit, ahn seh, “Dis kop dah mi blod weh gwain ron fi unu, ahn gwain mek wan nyuu agriiment bitwiin God ahn ihn pipl dem.

Romans 5:15

Stil, di gif weh God gi dah no laik di sin weh Adam sin. Dah chruut, plenty pipl ded sieka di sin ah dat wan man Adam. Bot God gries plenty muo powaful an Adam sin. Ahn plenty pipl deh liv bikaaz a wan ada man —weh dah Jesus Christ— huu wehn gat plenty morsy pahn wi. Him dah God frii gif tu wii.

Romans 5:19

Wen dah wan man disobie, dat mek evrybady iina di worl ton sina. Bot, sieka wan ada man, weh wehn du weh God tel im fi du, God mek evryting rait bitwiin him ahn plenty ada pipl!

1 Corinthians 11:25

Ahn afta dehn don iit di bred, siem wie Jesus tek wan kop ahn seh, “Dis kop a wain dah fi mi blod, weh dah di nyuu agriiment weh God wehn mek wid ihn pipl dem. Enytaim unu jrink fahn di kop, jrink it fi memba mi.”

Ephesians 1:7

Dah bai di blod a Jesus Christ wi get fi bii frii ahn God don paadn aala wi sin dem. Bredrin, God gries riily griet!

Colossians 1:14

Dah him weh set wi frii ahn fargiv wi sin dem.

Colossians 1:20

So, dah wehn chruu ihn Son seh God disaid fi bring bak di huol yuunivors tu ihnself. Ahn ihn wehn gwain mek piis wid evrybady ahn evryting iina hevn ahn pahn ort chruu Christ, wen di Laad shed ihn blod ahn ded pahn di kraas!

Hebrews 10:29

Wel den, unu tink dah ho moch muo wosa di ponishment gwain bii fi demde pipl weh stamp'op pahn di Son a God ahn triit ihn blod bad —dah siem blod weh ihn shed az paat a di pramis— laik if dah somting chiip! Pipl weh du dat, riily insolt di Holy Spirit weh bring God morsy!

Hebrews 13:20

So now, Ah prie seh di God a Piis, Him weh don mek dah Griet Shepad a di shiip riez'op bak fahn di ded —fi wi Laad Jesus Christ— gi aala unu evryting weh unu niid fi du weh him waahn unu du, chruu di blod a di eva-lastin Nyuu Agriiment! Ahn dat, God gwain kyan du iina wi evryting weh gwain pliiz im chruu Christ weh get aal di gluory fareva ahn eva. Amen!

Hebrews 9:28

dah di siem wie, Christ wehn ongl ded wan taim fi tek weh plenty pipl sin. Bot, wen ihn kom bak agen, ihn no gwain bii fi diil wid sin, bot dah fi siev aal di pipl dem weh deh wiet fi wen ihn kom bak fi dem!

1 John 2:2

Christ dah di wan weh sakrifais ihnself fi tek weh fi wi sin dem —ahn no ongl fi wi sin dem, bot fi evrybady sin dem iina di huol worl!

Revelation 7:14

Ai ansa im seh, “Saar, yuu dah di wan weh nuo.” So di elda tel mi seh, “Demya pipl yah dah di wan dem, weh kom fahn outa di taim a di Griet Tribyulieshan. Dehn don wash dehn goun iina di Lam blod, ahn dat mek dem wait.

Revelation 7:9

Wen dat don, Ah luk agen ahn Ah si wan uova big kroud. Dah wehn so moch pipl seh, nonbady kudn kount aala dem. Dehn wehn kom fahn outa evry nieshan iina di worl, fahn outa evry traib, ahn outa evry pipl ahn langwij komunity. Demya pipl wende stan op fronta di chruon ahn fronta di Lam. Ahn aala di pipl dem wende wier wait goun ahn dehn wende huol paam liif iina dehn han.