Matthew 26:13 - The New Testament in Islander Creole

¹³ Ah deh tel unu di chruut: enywie iina di huol worl weh dehn priich dis gud nyuuz, di pipl dem gwain memba dis uman ahn taak bout wat ihn wehn du.”

Matthew 26:13 Iomraidhean Croise

Matthew 24:14

Ahn di gud nyuuz bout God Kingdom gwain get priich aal uova di worl fi pipl kyan hier di chruut, ahn den di en gwain kom.

Matthew 28:19

so unu fi go, go mek plenty disaipl fahn outa aal di difrent gruup a pipl evry weh dehn deh. Baptaiz dem iina di niem a di Faada, di Son, ahn di Holy Spirit,

Mark 13:10

Ahn bifuor aal dis hapm, aal di pipl dem mos hier di gud nyuuz fos.

Mark 14:9

Ah deh tel unu di chruut: enywie iina di huol worl weh dehn priich di gud nyuuz, di pipl dem gwain memba dis uman ahn taak bout wat ihn wehn du.”

Mark 16:15

Ihn tel aala dem, “Unu go chruu di huol worl ahn priich di gud nyuuz tu evrybady.

Luke 24:47

Ahn ihn falowa dem gwain priich iina ihn niem staatin fahn Jerusalem, den tu aal di nieshan dem. Ahn God gwain fargiv evrybady weh ton fahn dehn wikid wiez.’

Acts 10:4

Az Cornelius luk pahn im, ihn wehn uova fried, ahn ihn seh, “Dah weh yo waahn wid mii, sah?” Di ienjel seh, “God hapy wid yo, ahn ihn tek nuotis a yo praya dem ahn yo gif dem tu di puor.

Romans 10:18

Mek Ah aks unu somting: di Jew dem neva hier di mesij? Yees, dem wehn don hier'ih. Dah jos laik weh di Skriptyo seh: “Aal di pipl aal uova di worl wehn get fi hier dah mesij, weh di mesinja dem tel dem. Dehn mesij gaan out iivn dongtu di laas paat a di worl.”

Romans 15:19

Dah God Spirit weh gi mi di powa fi du aal di mirakl ahn di sain dem weh Ah du. So, wail Ah wende travl fahn Jerusalem aal di wie roun Illyricom ieriya, Ah wende tel di pipl dem bitout skip notn ataal bout di Gud Nyuuz fahn Jesus Christ.

2 Corinthians 10:18

Bikaaz, wen di pipl dem buos bout demself, ih no miin notn ataal. Bot, wen di Laad taak gud bout dem, dat dah weh kount fi chruut, bredrin!

Colossians 1:23

Bot unu hafy kiip aan deh chros ahn stie strang iina unu fiet, ahn unu no fi mek nonbady mek unu get fried iina di huop weh unu wehn get wen unu wehn fos hier di Gud Nyuuz. Dis dah di Gud Nyuuz weh wehn priich tu evrybady iina di worl. Ahn mii, Paul, deh work fi priich dat Gud Nyuuz tu!

Colossians 1:6

Disya Gud Nyuuz bout Jesus Christ kiip aan deh bring blesinz pahn tapa blesinz, ahn now ih deh spred aal uova di worl! Ahn dat dah di siem wie ih wehn spred mongs unu fahn di die unu fos hier bout disa gries a God, ahn unu get fi andastan di chruut bout'ih.

1 Timothy 2:6

Jesus wehn sakrifais ihn laif fi set aal wi pipl frii fahn sin, ahn dat sakrifais wehn mek iina di rait taim.

Hebrews 6:10

Bikaaz, God dah wan fier God, ahn him no gwain farget how haad unu wehn work fi im. Ihn no gwain farget how unu shuo unu lov tu im wen unu wehn help out ihn pipl dem, ahn how unu deh kiip aan deh help dem.

Revelation 14:6

Den, Ah si wan nada ienjel deh flai op iina di skai, ahn ihn wehn tel di pipl dem weh liv iina di worl di Gud Nyuuz weh gwain laas fareva. Ihn wende priich dis Gud Nyuuz tu di pipl dem fahn aala di difrent nieshan dem, aala di traib dem, ahn aala di pipl dem weh taak difrent langwij dem.