Matthew 26:10 - The New Testament in Islander Creole

¹⁰ Bot Jesus, weh wehn nuo seh dehn wehn beks, aks dem, “Weh unu deh moles dis uman fah? Ihn jos don du somting gud fi mii.

Matthew 26:10 Iomraidhean Croise

Matthew 26:11

Bikaaz unu gwain gat di puor pipl dem roun unu aal di taim, bot unu no gwain gat mii aal di taim.

Matthew 26:9

Wi shuor seh wi kuda sel dis porfyuum fi wan paila mony ahn den gi di puor pipl dem di mony weh wi get aafa it!”

Mark 14:6

Bot Jesus seh, “Unu let luon di uman! Wai unu deh moles im fah? Ihn jos don du somting gud fi mii.

Luke 8:49

Wail Jesus wehn stil deh taak, som man fahn Jairus hous kom, ahn tel im seh, “Yo daata don ded; so no bada di tiicha no muo.”

2 Corinthians 9:8

Ahn him kyan bles unu wid plenty muo an weh unu niid, so unu aalwiez gwain gat nof fi unuself, ahn plenty muo fi shier wid ada pipl tu!

Galatians 1:7

Dah nyuu tiichin ongl soun laik di tiichin a di Gud Nyuuz bout Jesus Christ, bot dah no so! Dah jos dat dehn gat demde kain a pipl weh waahn ton ahn twis'op di chruut, ahn kanfyuuz unu!

Galatians 5:12

So den, main demde kain a pipl weh deh mes wid unu main, deh tel unu fi get sorkomsaiz. Unu no fi lisn tu dem, bot mek demde kain a pipl go hed ahn kot aaf di huol a fi dehn uon praivit paat dem —ahn den stap moles unu!

Galatians 6:17

Now, Ah no waahn nonbady fi get beks wid mi afta dis, bikaaz Ai gat nof spat pahn mi bady fi shuo seh Ai dah fi Christ, ahn fi him aluon.

Ephesians 2:10

Memba seh: God dah wehn di Wan weh wehn mek wi; ahn ihn mek wi wan wid Christ Jesus fi du gud tingz. Ahn him don plan fi wi du dehn gud tingz iina ihn main fahn lang-lang taim abak!

Colossians 1:10

Den, unu gwain kyan liv iina wan wie weh ana di Laad, ahn du aal demde tingz weh gwain pliiz im. Unu gwain waahn du demde tingz weh gud ahn kain tu ada pipl. Ahn iina dis wie, unu gwain gruo fi nuo God muo ahn muo evry die.

2 Thessalonians 2:17

inkorij unu haat deh mek unu strang fi du ahn seh aal weh gud evry die!

1 Timothy 3:1

Timothy, weh di pipl dem seh dah chruut dat, if wan man set ihn main fi bii wan chorch liida, dat dah wan gud ting.

1 Timothy 5:10

Pan tapa dat, di pipl dem hafy nuo disya wido fi di gud tingz weh shii deh du. Ihn fi bii wan uman weh wehn riez'op ihn pikniny dem rait, ahn weh yuuztu welkom pipl iina ihn hous, ahn weh yuuztu wash di fut dem a God pipl dem, ahn help demya pipl weh deh sofa tu. Ihn fi bii wan uman weh wehn du plenty gud ting aal di taim.

2 Timothy 2:21

So, di biliiva deh, weh kiip faar fahn enyting weh gwain mek dehn bady ahn dehn spirit doty wid sin, demde pipl gwain bii laik dehn fansy guol dish dem. Dehn Maasta gwain yuuz dem fi du ihn speshal work, bikaaz demya pipl gi dehn huol laif tu di Laad, ahn dehn redy fi du aal kain a gud.

Titus 1:16

Dehn seh dehn nuo God, bot aal di tingz weh dehn deh du, shuo seh dehn no nuo im ataal. Dehn wikid, ahn dehn no pie non main tu weh God tel dem fi du. So, dehn no fit fi du notn gud ataal!

Titus 2:14

Dah him weh gi ihnself fi wii, so ihn kyan reskyu wi fahn evryting weh wikid, ahn ihn mek wi ihn speshal pipl wid pyuor haat weh riily waahn du gud!

Titus 3:1

Titus, yu fi rimain di biliiva dem weh deh dah di ailant a Crete, seh dehn fi kiip demself aanda aala di pipl dem weh iina atarity iina di govament. Dehn fi obie dem, ahn dehn fi bii redy fi du eny work weh gud.

Titus 3:14

Di biliiva dem dah Crete hafy laan how fi yuuz dehn taim fi du plenty gud tingz tu, so dehn kyan help ada pipl get weh dehn niid. Iina dah wie deh, demya pipl gwain liv wan laif weh wortwail.

Titus 3:8

Ahn demya tingz weh Ah deh tel yu dah chruut! So, Titus, yu fi ripiit dehn tingz aal di taim, so di biliiva dem weh gat dehn fiet iina God, fala demya tiichin ahn du plenty gud tingz aal di taim!

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!