Matthew 25:10 - The New Testament in Islander Creole

¹⁰ So wail dehn gaan bai'ih, di man weh gwain get marid kom ahn dem weh wehn redy gaan iin wid im dah di wedn paaty, ahn dehn shet di duo.

Matthew 25:10 Iomraidhean Croise

Matthew 24:42

So unu beta kiip unu ai uopm, bikaaz unu no nuo pahn wish die yo Laad deh kom.

Matthew 24:43

Andastan dis: if di uona a wan hous wehn nuo dah wish owaz iina di nait wan tiif gwain kom, ihn wuda stie wiek ahn no mek di tiif brok iina ihn hous.

Matthew 24:44

Jos so, unu fi aalwiez redy tu, bikaaz pahn di siem owaz weh unu no espek di Son a Man fi kom, dah dat taim ihn gwain kom bak.

Matthew 25:6

“Roun migl nait sombady hala out, ‘Luk deh! Di man weh gwain get marid deh kom; golang, go miit im!’

Matthew 7:21

“Dah no evrybady weh kiip deh kaal mi, ‘Laad, Laad’ gwain get iina di Kingdom a Hevn, ongl di wan weh kiip deh du wat mi Faada iina hevn waahn ihn fi du.

Luke 12:35

“Tai op unu kluoz so unu wi redy fi work. Kiip unu lamp dem deh bon,

Luke 13:25

Wen di uona a di hous get'op ahn lak di duo, ih gwain tuu liet. Ahn den, dem weh neva get iin, gwain deh stan op outa duo deh nak ahn deh beg, ‘Laad, uopm di duo fi wi no!’ Bot ihn gwain ansa dem seh, ‘Ah neva nuo unu, nar weh unu kom fram ataal.’

Colossians 1:12

Den, wid wan hapy haat, unu fi gi tanks tu wi Faada, bikaaz ihn mek unu fit fi get unu paat iina weh ihn wehn pramis ihn pipl dem iina ihn Kingdom a Lait.

2 Timothy 4:8

Ahn now, di kroun weh yu get wen yu liv rait, deh wiet fi mi. Dat dah weh di Laad weh dah di Raichos Joj, gwain gi mi pahn Dat Die wen him kom bak. Ahn dah kroun deh, dah no ongl fi mii, bot dah fi evrybady huu deh lang wid aal dem haat, fi mek him kom bak!

1 Peter 1:13

So den, bredrin, get unu main redy fi akshan ahn kiip unuself aanda kanchruol aal taim. Set unu huop pahn dah speshal gries weh unu gwain get wen Christ kom bak.

Revelation 1:7

Ah deh tel unu seh Jesus gwain kom iina di kloud dem, ahn di pipl dem fahn aal di nieshan iina di worl gwain si'im —iivn dem weh straik im iina ihn said wid wan lans! Dehn gwain muon ahn hala fi weh dehn du im. Dah so ih gwain bii. Amen!

Revelation 19:7

Mek wi rijais ahn bii hapy! Mek wi priez im, ahn gi'im gluory! Bikaaz di taim fi di wedn a di Lam don kom, ahn ihn braid don get ihnself redy far ih.

Revelation 22:20

Ahn di Wan weh deh shuo seh dem tingz yah dah chruu, him deh seh, “Fi chruut, Ai suun kom!” Amen. Kom, Laad Jesus!