Matthew 24:7 - The New Testament in Islander Creole

⁷ Di kontry dem gwain fait gens wan anada, ahn di kingdom dem gwain fait gens wan anada tu. Plenty pipl gwain paas hongry, ahn iina plenty difrent plies di ort gwain shiek.

Matthew 24:7 Iomraidhean Croise

Luke 21:11

Iina plenty difrent plies di ort gwain shiek op plenty, ahn di pipl dem gwain paas hongry, ahn dehn gwain gat wan paila uova bad siknis tu. Aal kain a fony tingz gwain hapm iina di skai weh gwain fraitn evrybady.

Acts 11:28

Wan a dem weh niem Agabus stan op ahn wid di Holy Spirit powa pan im prafisai seh wan uova bad taim, wen pipl no gat notn fi iit, wehn gwain spred uova di huol worl. Dis hapm wen Claudius wende ruul.

Acts 2:19

Ahn Ah gwain du aal kain a wandaz op iina di skai, ahn son mirakl dong pahn di ort tu. Blod, faiya, ahn tik smuok gwain kom.

Hebrews 12:27

Ahn wen God seh, “Wan muo taim agen,” dat miin seh ihn gwain shiek evryting weh ihn wehn mek pahn di ort, so dat evryting weh kyaahn shiek nontaim, gwain laas fareva ahn eva!

Revelation 6:12

Den, Ah si di Lam uopm di nomba six siil. Ahn siem taim, wan big ort-kwiek kom! Di son get uova blak, laik di blak klaat weh dehn mek outa guot hier. Ahn di muun get uova red laik blod.

Revelation 6:5

Wen di Lam uopm op di nomba three siil, Ah hier di nomba three livin kricha seh, “Kom!” Ahn wen Ah luk, Ah si wan blak haas. Ahn di porsn weh wende raid im wehn gat wan pier a balans skiel iina ihn han.

Revelation 6:6

Den, Ah hier di soun a wan vais deh kom out fahn mongs weh di four livin kricha dem deh. Ahn di vais seh, “Ih gwain tek wan pie-die fi bai jos wan kwaat a wiit; ahn di siem mony gwain kyan bai three kwaat a baaly. Bot unu no fi wies di aliv ail nar di wain!”

Revelation 6:8

Ahn wen Ah luk, Ah si wan haas weh gat wan lait kola. Ahn di porsn weh wende raid im wehn niem “Det,” ahn di wan weh niem “Hel” wende fala im kluos bihain! Ahn dem two wehn gat atarity uova one-quarter a di pipl pahn di ort, so dehn kuda mek di pipl dem ded chruu waar, or mek dem ded chruu starvieshan, or ded fahn aal kain a siknis, or dehn kuda mek di wail animal dem fahn di ort kil dem!