Matthew 24:42 - The New Testament in Islander Creole

⁴² So unu beta kiip unu ai uopm, bikaaz unu no nuo pahn wish die yo Laad deh kom.

Matthew 24:42 Iomraidhean Croise

Matthew 24:36

“Bot nonbady no nuo di die, nar di taim a di die wen di Son a Man gwain kom bak; nat iivn di ienjel dem iina hevn, nar di Son, bot ongl God di Faada nuo dat.

Matthew 24:43

Andastan dis: if di uona a wan hous wehn nuo dah wish owaz iina di nait wan tiif gwain kom, ihn wuda stie wiek ahn no mek di tiif brok iina ihn hous.

Matthew 24:44

Jos so, unu fi aalwiez redy tu, bikaaz pahn di siem owaz weh unu no espek di Son a Man fi kom, dah dat taim ihn gwain kom bak.

Matthew 25:10

So wail dehn gaan bai'ih, di man weh gwain get marid kom ahn dem weh wehn redy gaan iin wid im dah di wedn paaty, ahn dehn shet di duo.

Matthew 25:13

Den Jesus seh tu dem, “So, unu beta kiip unu ai uopm, bikaaz unu no nuo wish die nar wish owa Ah deh kom bak.

Luke 21:34

“Unu main, unu no mek unu haat get hevy wid sin, laik di man weh wies ihn laif wid jronkinis, ahn di woriz a dis laif; ahn den, wen unu fain out, Dah Die kech unu aafa gyaad. Ih gwain kom aalava sodn laik wan trap;

Luke 21:36

So unu fi gat op unu gyaad aal di taim, ahn prie seh unu gat di strent fi get-weh fahn aal dem tingz weh gwain hapm, ahn di strent fi stan op fronta di Son a Man bitout fried nar shiem.”

Romans 13:11

Dis dah weh unu hafy du, bredrin, bikaaz unu nuo ih uova liet! Unu nuo seh di taim fi wiek'op don kom aredy, bikaaz Dat Die wen God gwain siev wi deh niera now an enytaim sins wi fos chros iina Christ!

1 Corinthians 16:13

Memba seh: unu fi deh pahn unu gyaad aal di taim. Kiip di fiet weh unu gat iina di Laad, ahn gat korij tu, ahn unu fi aalwiez bii strang.

1 Thessalonians 5:6

So den, wi no fi deh sliip, deh liv wan laif a sin laik di ada res a pipl weh deh sliip. Mek wi stie op wid wi ai waid uopm ahn tink striet aal di taim!

1 Peter 4:7

Bredrin, unu main! Di en a di worl suun kom, so unu hafy get siiryos ahn kanchruol unuself, so dat unu kyan prie gud.

1 Peter 5:8

Stie pahn unu gyaad tu, ahn wach out! Unu enimy —weh dah di devl— him dah laik wan laiyan weh deh ruor. Him deh waak roun fahn plies tu plies deh si huu ihn kyan iit'op!

Revelation 16:15

Di Laad seh, “Lisn tu mi! Ah gwain kom wen yo no deh espek'ih —jos laik wen wan tiif kom iin pahn yo— ahn dah porsn bles fi chruu weh no deh sliip ahn weh kiip ihn kluoz wid im redy fi wier, so dat ihn no gwain hafy waak roun niekit ahn fiil shiem fronta di pipl dem.”