Matthew 24:4 - The New Testament in Islander Creole

⁴ Jesus ansa dem, “Unu wach out ahn no mek nonbady fuul unu op,

Matthew 24:4 Iomraidhean Croise

Mark 13:22

Bikaaz plenty faals Christ ahn faals prafit gwain kom op. Ahn dehn gwain trai trik di pipl deh shuo dem som big mirakl ahn wandaz tu. Dehn gwain iivn trai trik di pipl weh God don chuuz, if dehn kyan fuul dem tu.

Luke 21:8

Ahn Jesus seh, “Unu wach out ahn no mek nonbady fuul unu op; bikaaz plenty pipl gwain kom deh yuuz mai niem deh seh, ‘Ai dah di Mesaya!’ ahn ‘Di taim deh nier!’ Unu no fi fala dem.

Galatians 6:3

Bikaaz, if enybady tink seh ihn tuu impuotant fi lisn, ihn ongl deh fuul'op ihn uonself, ahn ihn don ton wan nonbady.

Ephesians 4:14

Den, iina dah taim deh, wi no gwain bii laik likl pikniny no muo, weh iizy fi chienj weh dehn biliiv az kwik az dehn hier enyting weh nyuu. Dehn dah laik wan likl buot weh di wiev dem kyan fling bout, wen di strang briiz kiip aan deh chienj ahn bluo di buot dis wie ahn dah neks wie. Demde pipl weh deh trai fi fuul wi op wid dehn rang tiichin, dah jos laik demde win. Dehn liid som biliiva astrie wid dehn triky tiichin dem, weh dehn mek'op dehn uonself!

Ephesians 5:6

So den, bredrin, unu no fi mek nonbady fuul unu op, deh tel lai weh no gat non sens ataal. Aala demya tingz weh Ah deh taak bout, dehn mek God uova beks. Demde pipl, weh no deh du weh ihn tel dem fi du, gwain fiil God raat.

Colossians 2:18

So, wen di pipl dehn go tu unu deh seh dehn nuo muo beta an unu bikaaz dehn kuda si vizhan ahn dehn waaship di ienjel dem, no mek dehn fuul unu op! Demde kain a pipl ongl go aan laik dehn ombl, bot dat dah no so! Dehn ful'op a dehn uon selfish hyuuman wiez!

Colossians 2:8

So den, no mek nonbady fuul unu op wid dehn aagyoment weh no gat non sens ahn no wot notn ataal. Dehn maita soun waiz, bot dehn dah faals tiicha weh ongl han dong demde tingz fahn hyuuman bi'in ahn fahn di faals spirit dem, weh ruul uova disya worl. Dehn no kom fahn Christ!

2 Thessalonians 2:3

No mek nonbady fuul unu op iina non wie ataal! Bikaaz dah die no gwain kom til di Laas Die a Ribelyan, wen plenty-plenty pipl gwain ton gens God. Den, di Wan weh uova Wikid gwain apier'op —dah man weh don set fi go tu ihn distrokshan fareva.

1 John 4:1

Mi dier fren dem, unu no fi chros evrybady weh seh, dah God Spirit deh taak chruu dem. Bot unu fi tes out di spirit dem fos, fi si if dehn dah fahn God fi chruut, bikaaz wan paila faals prafit deh iina di worl.