Matthew 24:31 - The New Testament in Islander Creole
31 Ahn ihn gwain sen out ihn ienjel dem wid wan big trompit ahn dehn gwain gyada tugeda dem weh God don chuuz fahn aal uova di worl, fahn wan en tu di ada en.
Bikaaz plenty faals Christ ahn faals prafit gwain kom op. Ahn dehn gwain trai trik di pipl dem deh shuo dem som uova big mirakl ahn wandaz tu. Dehn gwain iivn trai trik di pipl weh God don chuuz, if dehn kyan fuul dem tu.
Ahn den, ihn gwain sen out ihn ienjel dem tu di four kaana a di ort fi gyada tugeda dem weh God don chuuz fahn aal uova di worl, fahn wan en tu di ada en.
Ahn ihn falowa dem gwain priich iina ihn niem staatin fahn Jerusalem, den tu aal di nieshan dem. Ahn God gwain fargiv evrybady weh ton fahn dehn wikid wiez.’
Mek Ah aks unu somting: di Jew dem neva hier di mesij? Yees, dem wehn don hier'ih. Dah jos laik weh di Skriptyo seh: “Aal di pipl aal uova di worl wehn get fi hier dah mesij, weh di mesinja dem tel dem. Dehn mesij gaan out iivn dongtu di laas paat a di worl.”
Bikaaz pahn Dat Die, aal di pipl dem pahn ort gwain hier wan haad vais gi di komaan. Dehn gwain hier di vais a di hed ienjel, ahn ihn gwain bluo God trompit. Ahn den di Laad ihnself gwain kom dong fahn hevn. Ahn demya pipl, weh wehn ded —weh don chros iina Christ— dehn gwain riez'op fos!
Dah wehn rait deh wi ansesta dehn wehn hier wan trompit deh bluo uova haad, ahn wan vais wende taak tu dem. Datde vais wehn fraitn dem so, dat dehn beg di vais fi stap taak,
Ah kom fi tel yo weh di seven staar dem weh Ah deh huol iina mi rait han, ahn di seven guol lampstan miin: Di seven staar dah di ienjel dem iina di seven chorch dem. Ahn di seven lampstan dah di seven chorch dem.”
Den, di nomba seven ienjel bluo ihn trompit. Ahn Ah hier plenty vais iina hevn deh baal out haad deh seh: “Fi wii Laad, ahn ihn Christ, gat aal di ana, bikaaz dah him weh gat di powa fi ruul now uova aal di worl. Ahn ihn gwain ruul ih fareva ahn eva!”
Afta dat, Ah si four ienjel dem deh stan op dah di four kaana a di worl. Dehn wende stap di four briiz fahn di worl weh wende bluo, fi dehn neva bluo ataal pahn di waata, nar pahn di jrai grong, nar gens eny trii.