Matthew 24:11 - The New Testament in Islander Creole

¹¹ Ahn plenty faals prafit gwain kom ahn fuul'op plenty pipl.

Matthew 24:11 Iomraidhean Croise

Matthew 24:12

Ahn jos sieka weh plenty muo pipl gwain get wikid ahn bad, di lov weh pipl wehn gat fi wan anada gwain get wiika ahn wiika.

Matthew 24:24

Bikaaz plenty faals Christ ahn faals prafit gwain kom op. Ahn dehn gwain trai trik di pipl dem deh shuo dem som uova big mirakl ahn wandaz tu. Dehn gwain iivn trai trik di pipl weh God don chuuz, if dehn kyan fuul dem tu.

Matthew 24:5

bikaaz plenty pipl gwain kom deh yuuz mai niem deh seh, ‘Ai dah di Mesaya!’ Ahn dehn gwain fuul'op plenty a unu.

Matthew 7:15

“Luk out fi di faals prafit dem weh kom tu yo deh luk gud dres op, bot iina dehn haat dehn jos laik wan kraas wulf.

Mark 13:22

Bikaaz plenty faals Christ ahn faals prafit gwain kom op. Ahn dehn gwain trai trik di pipl deh shuo dem som big mirakl ahn wandaz tu. Dehn gwain iivn trai trik di pipl weh God don chuuz, if dehn kyan fuul dem tu.

Acts 20:30

Ih gwain kom tu di paint weh —rait fahn mongs unu— unu gwain gat som weh gwain twis'op di chruut fi trai win di biliiva dem pahn fi dehn said.

1 Timothy 4:1

Now, God Spirit taak klier-klier, seh juurin demya laas diez, som a di pipl dem gwain stap biliiv di chruu tiichin bout Christ weh wii biliiv. Dehn gwain fala di wikid spirit dem, weh waahn fuul'op di pipl dem ahn fala demya tiichin weh di diimon dem deh tiich.

2 Peter 2:1

Bot, jos laik how dehn wehn yuuztu gat dehn faals prafit iina Israel lan, dah di siem wie unu gwain gat faals tiicha mongs unu tu. Ahn dehn gwain kom wid som faals tiichin weh gwain mek demde pipl, weh hier ahn biliiv'ih, mash'op dehn fiet! Demya kain a tiicha gwain ton dehn bak pahn Christ, dehn Maasta, weh wehn set dem frii fahn di powa a sin. Ahn so, dehn gwain bring kwik distrokshan pahn dem uonself!

1 John 2:18

Mii dier pikniny dem, unu fi nuo seh di en deh yahso! Ahn az unu don hier, di Enimy a Christ deh kom, ahn plenty a Christ enimy don deh yah aredy. So den, dat dah how wi nuo seh di en deh nier.

1 John 2:26

Ah hafy rait demya tingz tu unu bout dehn pipl weh deh trai fi fuul unu op.

1 John 4:1

Mi dier fren dem, unu no fi chros evrybady weh seh, dah God Spirit deh taak chruu dem. Bot unu fi tes out di spirit dem fos, fi si if dehn dah fahn God fi chruut, bikaaz wan paila faals prafit deh iina di worl.

Jude 1:4

Ah seh dis bikaaz Ah hier seh som pipl, weh deh gens God, don sniik iin mongs unu ahn chienj di mesij a God gries! Dehn deh seh how unu kuda liv slak laif, bikaaz God don paadn aala wi sin aredy! Demde kain a pipl iivn seh wi no hafy obie Jesus Christ az fi wi Maasta ahn Laad! Bot, fahn lang taim abak di Skriptyo wehn seh God gwain joj demde kain a pipl ahn ponish dem!

Revelation 19:20

Bot dehn kech di biis ahn di faals prafit. Him dah di wan weh wehn du dehn mirakl fronta di biis. Wid demya mirakl ihn wehn fuul'op di pipl weh wehn gat di maak fahn di biis ahn weh wehn waaship ihn statyo. Ahn dehn pich di biis ahn di Faals Prafit alaiv iina wan liek wid faiya weh deh bon wid solfa.