Matthew 23:4 - The New Testament in Islander Creole

⁴ Dehn put wan paila strik ruul pan pipl, laik wan hevy bag pahn dehn shuolda, ahn neva iivn trai fi muuv wan finga fi help dem.

Matthew 23:4 Iomraidhean Croise

Matthew 23:23

“How haad unu gwain gat'ih, unu tiicha a di Laa ahn Pharisee pipl, unu hipokrit! Dah chruut unu gi God ten porsent ah aal weh unu gat, iivn dongtu di mint ahn komin siizinin weh unu gat iina unu yaad, bot unu no pie no main fi di tingz dem weh riily impuotant iina di Laa. Unu no fier wid pipl, nar gat non morsy fi dem, nar unu fietful fi kompliit weh God seh unu fi du. Wail ih gud fi gi God ihn ten porsent, unu fi pie main tu di ada impuotant tingz tu.

Matthew 23:3

So du enyting weh dehn tel unu fi du, bot unu no fi fala dehn egzampl, bikaaz dem no du wat dehn seh dehn fi du.

Luke 11:46

Jesus ansa im ahn seh, “Ahn unu tiicha a di Laa, how haad unu gwain gat'ih tu! Unu put wan paila strik ruul pan pipl, weh nat iivn unu uonself kyan kiip, ahn unu neva iivn trai fi muuv wan finga fi trai help dem.

Acts 15:10

So, wai unu waahn mek'ih haad fi di nyuu Gentile biliiva dem, deh mek dem fala aala fi wi ansesta dehn kostom, wen nat iivn wii nar fi wii ansesta dem kuda kompliit ih. Dis ongl wuda mek God beks, no chruut?

Acts 15:28

Bikaaz wi tink seh di Holy Spirit no waahn gi unu no ekstra borden muo an demya ruul yah, ahn wi grii:

Galatians 6:13

Bot, iivn dem dehnself, weh biliiv seh unu hafy get sorkomsaiz, dehn no kiip aala di komaanment dem weh rait iina di Laa! Dehn ongl waahn unu get sorkomsaiz so dehn kuda buos tu evrybady seh dehn get unu fi du weh dehn wehn waahn.

1 John 5:3

Ahn fi lov God miin seh, wi gwain obie weh ihn komaan wi fi du. Ahn weh ihn komaan wi fi du, no haad;

Revelation 2:24

Bot di res a unu iina Thyatira, unu no du demde wikid tingz weh Jezebel tiich. Unu no nuo notn bout dehn wikid tingz weh som pipl kaal ‘Satan diip siikrit.’ So, Ah no waahn put no muo bordn pahn unu.