Matthew 23:34 - The New Testament in Islander Creole

³⁴ “Das wai Ai deh sen tu unu som prafit, som waiz man, ahn som ada tiicha weh nuo bout God wiez dem. Som a dem unu gwain kil ahn niel'op pahn wan kraas, ahn som a dem unu gwain biit'op iina unu sinigag dem. Di res unu gwain ron dong enywie dehn go iina di toun dem.

Matthew 23:34 Iomraidhean Croise

Matthew 10:23

Wen dehn deh trai fi grab unu iina wan toun, ron go iina di nada wan. Bikaaz Ah deh tel unu di chruut: unu no gwain don ron go tu aal di toun dem iina Israel lan bifuor di Son a Man kom bak.

Matthew 13:52

So Jesus tel dem, “Das wai evry tiicha a di Laa weh kantinyo deh laan bout di Kingdom a Hevn dah jos laik huu weh ruul iina wan hous, weh tek out di uol ahn nyuu tingz outa ihn chis weh paat ihn kiip dem; ihn gwain kompier di Laa fahn lang taim abak wid di nyuu tiichin.”

Matthew 23:31

Stil yet, unu deh sink unuself deh seh unu disen fahn dem weh wehn kil di prafit dem.

Luke 24:47

Ahn ihn falowa dem gwain priich iina ihn niem staatin fahn Jerusalem, den tu aal di nieshan dem. Ahn God gwain fargiv evrybady weh ton fahn dehn wikid wiez.’

John 16:2

Dehn gwain chruo unu outa di sinigag dem, ahn di taim gwain kom wen dem weh kil unu gwain tink seh dehn deh du'ih fi pliiz God.

John 20:21

Jesus tel dem agen, “Piis deh wid unu. Siem wie how di Faada wehn sen mi, dah rait so Ah deh sen unu.”

Acts 1:8

Bot wen di Holy Spirit kom dong pahn unu, unu gwain get plenty powa, ahn unu gwain kyan go aal bout di plies deh tel di pipl bout mii. Unu gwain du dis iina Jerusalem, den di huol a Judea lan, den Samaria lan, iivn dongtu di laas paat a di worl.”

Acts 11:27

Dah wehn roun dis siem taim som prafit kom fahn Jerusalem tu Antioch.

Acts 12:2

Mongs dem dehn grab James —John breda— ahn Herod gi aadaz fi mek dem kil im wid wan suod.

Acts 13:1

Now, iina di chorch dah Antioch yo wehn gat som prafit ahn tiicha, laik Barnabas ahn Simeon —weh dem kaal Naiger tu— ahn Lucius fahn Cyrene, ahn Manaen —weh wehn gruo'op wid Herod, di ruula— ahn Saul tu.

Acts 14:19

No tu lang afta dat hapm, som ada Jew kom fahn Antioch ahn Iconium, ahn afta dehn ton di siem kroud gens Paul, dehn lik'im dong. Den, dehn jreg im outa di sity, bikaaz dehn wehn tink ihn ded.

Acts 15:32

Den, Judas ahn Silas, weh dah wehn som anaintid priicha tu, inkorij ahn strentn di biliiva dehn fiet wid wan lang mesij.

Acts 5:40

Di Kongsl disaid fi fala di advais weh Gamaliel gi dem. So, dehn kaal iin di apasl dem, biit dem op, ahn aada dem no fi taak bout Jesus no muo. Den dehn let dem go.

1 Corinthians 2:6

Stil yet, wen wi deh taak tu di pipl dem weh gat wan strang fiet iina Jesus Christ, wi taak tu dem wid plenty wizdom. Bot wi no yuuz di kain a wizdom weh di pipl, nar di ruula dem a disya worl gat. Aala demya kain a pipl gwain suun kom tu notn.

1 Corinthians 3:10

Bai God gries Ai kom fi bii wan waiz maasta bilda. Ai aredy don put dong wan strang foundieshan ahn sombady els deh bil pahn tapa it. Bot evrybady hafy wach out how dehn deh bil pahn ih.

Colossians 1:28

So wi priich bout Christ tu evrybady. Wi yuuz aala di wizdom weh God gi wi fi waan ahn tiich dem, so dat wi kyan bring evrybady fronta God az Christ falowa dem weh don gruo'op iina how dehn tink, bikaaz dehn dah wan wid Christ.

1 Thessalonians 2:16

Dehn wehn iivn trai stap wi fahn priich di mesij weh wehn gwain gi salvieshan tu dehn pipl weh dah no Jew! Ahn bikaaz a dat, dehn gaan tuu faar, ahn dehn gilt deh pail op sin pahn tapa sin! Ahn so now God wehn ongl beks wid dem ahn ihn raat don kom dong pahn dem uova haad.

Hebrews 11:37

Stil yet, som neks wan get lik dongtu det, ahn som ada wan dem get saa iina two, or den get kil wid suod. Den, som neks wan go bout dres iina shiip skin or guot skin. Dehn wehn hongry ahn puor, ahn dehn enimy dem yuuztu gi dem haad taim ahn triit dem uova bad.

Revelation 11:10

Di chruut dah seh, di pipl a disya worl gwain rijais, wen di two prafit dem ded. Dehn gwain selibriet ahn gi wan anada gif, bikaaz di two prafit dem weh wehn mek dem sofa tuu moch, don ded!