Matthew 23:14 - The New Testament in Islander Creole

¹⁴ [How haad unu gwain gat'ih, unu tiicha a di Laa ahn Pharisee pipl, unu hipokrit! Unu laik tek uova di hous fi di puor uman dem weh dehn hozban ded. Bot stil yet unu ton roun ahn waahn shuo aaf wid lang prayaz. Fi dat unu gwain get muo ponishment fi di bad tingz weh unu du!]

Matthew 23:14 Iomraidhean Croise

Matthew 11:24

Ah deh tel unu: wen Jojment Die kom, ih gwain bii muo iiziya fi di pipl dem fahn Sodom sity an fi unu!”

Matthew 23:13

Den Jesus kantinyo deh seh, “How haad unu gwain gat'ih, unu tiicha a di Laa ahn Pharisee pipl, unu hipokrit! Unu deh henda pipl fahn go iina di Kingdom a Hevn. Unu uonself neva gwain go iin, nar mek nonbady els go iin niida.

Matthew 23:33

Unu jos laik sniek iina graas, unu! How unu gwain get-weh, wen unu aredy don kandem fi go dah hel?

Mark 12:40

Dehn sniikin, ahn dehn laik tek uova di hous a di puor uman dem weh dehn hozban ded, bikaaz demde uman no gat non wie fi difen demself. Bot stil dehn ton roun ahn waahn shuo aaf wid lang prayaz. Ah deh tel unu seh: Fi dehn ponishment gwain bii wosa an fi enybady els.”

Luke 12:48

Bot di sorvant weh du somting rang, bikaaz ihn neva nuo weh ihn maasta wehn waahn ihn fi du, ongl gwain get wan likl biitn. Ahn if di Laad gi'yo plenty, ihn gwain espek bak plenty fahn yo, ahn di muo ihn gi'yo, di muo ihn gwain espek bak fahn yo tu.

Luke 20:47

Dehn sniikin, ahn laik tek uova di hous a di puor uman dem weh dehn hozban ded. Bot stil yet dehn ton roun ahn waahn shuo aaf wid lang prayaz. Demde gwain get muo ponishment fi di bad tingz weh dehn du.”

2 Timothy 3:6

Som a dem go iina pipl hous ahn tek kanchruol a dehn sily uman weh deh bordn dong wid dehn sin, ahn weh go afta aal kain a wikid tingz weh deh kanchruol dem.

Titus 1:10

Ahn, Titus, yu gat plenty pipl mongs unu —speshaly demde pipl weh insis seh unu hafy get sorkomsaiz— weh no waahn pie no main ataal tu di chruu tiichin dem. Dehn jos deh fuul'op di ada biliiva dem wid dehn fuulishnis weh dehn deh tiich.

James 3:1

Bredrin, plenty a unu shudn trai fi bii tiicha, bikaaz unu nuo seh God gwain joj aala wi weh deh tiich muo haada an evrybady els!

2 Peter 2:14

Aal dehn deh luk fah, dah wan chaans fi sliip roun, ahn fuul'op wan man weh marid. Dah laik dehn kyaahn get nof a sin, deh trap demde kain a uman weh wiik. Dehn haat ful a griidinis, ahn so, dehn deh aanda di jojment a God fi chruut!

2 Peter 2:3

Ahn sieka weh dehn so griidy, dehn faals tiicha dem gwain tel unu plenty stuory weh dehn mek'op. Bot dehn jojment deh heng rait uova dehn hed, bikaaz God neva deh sliip, ahn ihn sii aal weh dehn deh du fahn lang-lang taim!