Matthew 22:31 - The New Testament in Islander Creole

³¹ Now, bout weda pipl kom bak tu laif or nat, unu neva riid God Wod weh paat ihn seh,

Matthew 22:31 Iomraidhean Croise

Matthew 12:3

Jesus ansa dem seh, “Unu neva riid bout di taim wen David wehn uova niid somting fi iit? David ahn ihn waria dem wehn hongry, so David gaan iina God hous ahn ihn iit di aafrin bred, ahn gi som a ih tu ihn waria dem tu. Ahn ongl di priis dem kuda du dis.

Matthew 12:7

Unu no nuo weh God Wod miin weh ih seh, ‘Insida aafa mii unu sakrifais, Ah wuda prefa unu bii mersiful tu ada pipl.’ If unu wehn ongl nuo weh dis miin, unu wudn kandem mi disaipl dem.

Matthew 21:16

ahn dehn aks Jesus, “Yuu no deh hier wat demya pikniny deh seh?” So Jesus ansa dem, “Yees! Ahn unu neva riid iina di Skriptyo weh ih seh, ‘Yuu, God, wehn plan fi mek yo uon priez outa weh di likl pikniny ahn di bieby dem wehn gwain seh bout yo.’ ”

Matthew 21:42

So Jesus seh tu dem, “Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem! Dis dah weh di Laad wehn du, ahn ih dah wan wandaful ting fi si'ih hapm!’

Matthew 22:30

Bikaaz iina di die a rezorekshan, nonbady no marid tu nonbady, bikaaz evrybady gwain bii laik di ienjel dem iina hevn.

Matthew 22:32

‘Ai dah Abraham God, fi Isaac God, ahn Jacob God tu.’ So wi kyan si seh God dah no di God fi di ded dem; ihn dah God fi dem weh deh liv!”

Matthew 9:13

Unu go ahn tink out wat disya Skriptyo miin, ‘Ah waahn morsy, no sakrifais,’ bikaaz mii no kom fi huu tink dehn deh du rait, bot fi dem weh nuo seh dehn hafy ripent a dehn sin.”