Matthew 22:16 - The New Testament in Islander Creole

¹⁶ So dehn sen dehn disaipl ahn som a King Herod falowa tu Jesus, ahn dehn seh tu im, “Tiicha, wi nuo seh yu tel di chruut aal di taim ahn yo tiich God wie bitout non lai. Yu no wory bout wat pipl gwain seh, ahn yu no pie main pan dehn kandishan.

Matthew 22:16 Iomraidhean Croise

Matthew 22:24

“Tiicha, Moses wehn rait iina ihn Laa seh, ‘If wan man ded ahn neva gat non pikniny wid ihn waif, di ded man breda fi marid tu di waif weh ihn ded lef, ahn gat pikniny wid im fi di pikniny ker di ded man siem taikl.’

Matthew 22:26

Ahn di siem ting hapm tu di sekant breda, ahn den di third, ahn rait so ih hapm tu aal di breda dem.

Matthew 26:18

Jesus seh, “Unu golang iina di sity tu wan man —Jesus wehn tel dem ihn niem— ahn seh tu im, ‘Di Tiicha seh: Mi taim deh nier; Ah gwain selibriet di Paasuova sopa wid mi disaipl dem iina yo hous.’ ”

Matthew 26:49

So, siem taim Judas gaan op tu Jesus ahn seh, “Gud iivnin, Tiicha!” ahn ihn gi'im wan kis.

Mark 10:17

Wen Jesus wende staat out fi kantinyo weh ihn wehn gwain, wan man kom deh ron ahn niil dong fronta im, ahn ihn aks im, “Gud Tiicha, wat Ah hafy du fi gat laif fareva?”

Mark 12:13

Aftawod dehn sen som Pharisee pipl ahn som a King Herod falowa fi trai kech im iina somting weh ihn wende seh.

Mark 12:14

Ahn dehn tel im, “Tiicha, wi nuo seh yu tel di chruut aal di taim, ahn yu no wory bout wat pipl gwain seh. Yu no pie main pan dehn kandishan, bot yo tiich God wie bitout non lai. So tel wi: ih deh gens fi wi Laa or no, fi pie taks tu Caesar, di Roman Empara?”

Mark 3:6

Siem taim di Pharisee pipl dem gaan outsaid, gaan miit wid King Herod falowa dem fi mek wan plan gens Jesus fi du weh wid im.

Mark 8:15

Ahn Jesus seh, “Watch out fi di kain a iis weh di Pharisee ahn Herod falowa dem gat!”

Luke 20:21

So di man dem weh wende dag Jesus, kwestyan im seh, “Tiicha, wi nuo seh wat yo tiich ahn seh dah chruut aal di taim, ahn yo no pie no main tu pipl kandishan, bot yo tiich God wie bitout non lai.

Luke 7:40

Den Jesus seh tu im, “Simon, Ah gat somting fi seh tu yo.” “Dah wat, tiicha?” Simon aks Jesus.

John 14:6

Jesus ansa ahn seh, “Mii dah di Wie, di Chruut, ahn di Laif; nonbady kyaahn kom tu di Faada eksep chruu mi.

John 18:37

Pilate aks Jesus, “So yuu dah wan king den?” Jesus ansa ahn seh, “Dah yu yoself deh seh Ai dah wan king; bikaaz Ah baan ahn kom iina dis worl fi wan riizn: fi tel di chruut. Ahn evrybady weh lov di chruut lisn tu weh Ah deh seh.”

John 7:18

Dem weh taak bout fi dem uon tingz ongl waahn buos bout dehn uonself. Bot di man, weh waahn di Wan weh sen im get di priez, no gat non faalsnis iina him ataal; ihn aalwiez tel di chruut.

2 Corinthians 2:17

Unu si, wi dah no laik plenty pipl weh waahn get rich aafa priich God mesij. Bot wi fi priich God Wod wid di atarity weh Christ gi wi, ahn wid wan kliin haat fronta God, bikaaz dah him sen wi fi du ihn work.

2 Corinthians 4:2

Wi no gat notn fi du wid dehn siikrit ahn shiemful tingz weh pipl du. Ahn wi no deh trai fuul nonbady op, nar twis'op God mesij niida. God dah wi wiknis seh wi deh tel di chruut, so dat di pipl dem kyan nuo iina dehn haat seh wi no deh tel non lai ataal.

2 Corinthians 5:16

So now, bredrin, wi no joj nonbady laik how pipl weh dah no biliiva, wuda joj dem. Ahn iivn duo wi yuuztu joj Christ laik dat, wi no du dat agen.

Galatians 1:10

Unu tink seh Ai deh trai fi pliiz pipl? Nuo sah! Ai deh trai fi pliiz God! If Ai wende liv fi pliiz pipl, den Ai wudn deh sorv Jesus Christ.

Galatians 2:6

So, Ah taak tu di pipl dem weh unu kaal unu liida. Bot demde pipl no miin notn tu mii wan wie or di ada how unu deh kaal dem, bikaaz God no kansida nonbady beta an di neks wan. Wel, tu di lang ron, dehn neva gat wan ada ting fi ad aan tu weh Ai wende priich!

1 Thessalonians 2:4

Insida dat, weh wi wende seh dah aalwiez weh God wehn waahn wi seh, bikaaz him wehn si seh ihn kuda wehn chros wi wid fi him Gud Nyuuz. Wi no fi trai pliiz nonbady —ongl God— bikaaz dah him dah di Wan weh nuo ahn tes wi haat.

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

1 John 5:20

Ahn wi nuo tu seh, di Son a God don kom ahn ihn gi wi andastandin fi wi kyan nuo di chruu God. Ahn wii liv iina di Wan weh dah chruu, weh dah ihn Son, Jesus Christ ihnself. Dah him dah di chruu God, ahn dah him dah laif weh no gwain don nontaim ataal.