Matthew 22:11 - The New Testament in Islander Creole

¹¹ “Bot wen di king kom fi si di pipl dem, ihn si wan man weh neva gat aan non kliin suut fi di wedn.

Matthew 22:11 Iomraidhean Croise

Matthew 13:30

Mek di two a dem gruo'op tugeda til dehn taim fi pik. Den, wen di taim kom fi gyada op di fruut, Ah gwain tel dem weh inchaaj seh, “Unu dig op aal di bad bush fos ahn tai dem op fi bon dem, bot gyada aal di gud fruut dem weh unu pik op ahn put dem iina mi stuor-hous.” ’ ”

Matthew 22:10

So di sorvant dehn gaan out pahn di ruod ahn invait aal di pipl dem weh dehn fain. Dehn invait evrybady —gud pipl ahn bad di siem wie— ahn di wedn wehn pak'op wid aal di pipl weh dehn wehn invait.

Matthew 3:12

Ihn staat pik out ihn pipl dem aredy, jos laik how di faama stamp ihn fut aal uova ihn grien ahn chruo'ih wid di shel op iina di ier fi separiet di two a dem, ahn den ihn gyada op di gud grien wid ihn shovl fi put'ih iina ihn stuor-hous; bot ihn gwain bon'op di shel wid faiya weh kyaahn out. Di siem ting gwain hapm wid di Laad huu suun kom.”

Romans 13:14

Insida dat, wi fi mek di Laad Jesus bii az nier tu wi az di kluoz weh wi wier. Ahn wi no fi pie non main ataal tu aala demde bad tingz weh wi sinful haat tel wi fi du.

Romans 3:22

God mek evryting rait bitwiin ihnself ahn di pipl dem, if dehn chros iina Jesus Christ. Ahn God gwain du dat fi aala wi weh chros iina Jesus —fi di Jew dem fos ahn fi demde pipl weh dah no Jew tu— bikaaz non difrens no deh bitwiin wii ahn dem.

1 Corinthians 4:5

So unu no fi joj nonbady bifuor di rait taim kom. Unu fi wiet til di Laad kom. Dah him dah di wan weh gwain bring out dehn tingz weh deh iina di daak now. Ahn den ihn gwain mek evrybady nuo weh deh iina evrybady haat. Dat dah wen God gwain priez evrybady akaadn tu how dehn dizorv fi get priez.

2 Corinthians 5:3

Ahn wen wi put aan wi nyuu bady, wi no jos gwain deh bout deh bitout notn fi kova wi op. Wii gwain gat wan chruu-chruu bady.

Galatians 3:27

Ahn wen unu get baptaiz, unu jain'op wid Christ, ahn unu get fi bii laik him.

Ephesians 4:24

Unu fi bihiev laik wan nyuu porsn, weh God wehn mek fi bii laik him. Dah nyuu porsn gwain liv huoly ahn du weh rait iina God sait!

Revelation 16:15

Di Laad seh, “Lisn tu mi! Ah gwain kom wen yo no deh espek'ih —jos laik wen wan tiif kom iin pahn yo— ahn dah porsn bles fi chruu weh no deh sliip ahn weh kiip ihn kluoz wid im redy fi wier, so dat ihn no gwain hafy waak roun niekit ahn fiil shiem fronta di pipl dem.”

Revelation 19:8

Dehn gi di braid fain linin kluoz weh wait til'ih brait fi wier laik fi shii wedn kluoz.” Di fain linin stan fi di gud tingz weh God pipl dehn du.

Revelation 2:23

Ah gwain straik shii falowa dem ded! Dat gwain mek aal di chorch dem nuo seh, Ai dah di Wan weh nuo aal weh dem tink iina dehn haat. Ah gwain gi iich wan a unu jos weh unu dizorv.

Revelation 3:18

So den, Ah deh tel unu seh: Unu fi kom tu mii ahn bai pyuor guol, so dat unu kyan bii rich iina God sait. Ahn Ah deh tel unu seh: unu fi kom ahn bai wait kluoz fi wier, so dat unu no gwain paas shiem bikaaz unu niekit. Ahn kom, kom bai aintment fi put iina unu ai, fi unu kyan si.