Matthew 22:10 - The New Testament in Islander Creole

¹⁰ So di sorvant dehn gaan out pahn di ruod ahn invait aal di pipl dem weh dehn fain. Dehn invait evrybady —gud pipl ahn bad di siem wie— ahn di wedn wehn pak'op wid aal di pipl weh dehn wehn invait.

Matthew 22:10 Iomraidhean Croise

Matthew 13:38

ahn di grong dah laik di worl. Di gud siid dah laik dem weh dah paat a God Kingdom, bot di prikl dah laik dem weh deh fala di devl.

Matthew 22:9

So unu golang di ruod ahn invait enybady weh unu kyan fain tu di wedn fiis.’

Matthew 25:10

So wail dehn gaan bai'ih, di man weh gwain get marid kom ahn dem weh wehn redy gaan iin wid im dah di wedn paaty, ahn dehn shet di duo.

Matthew 9:15

Jesus ansa dem seh, “How unu espek di pipl weh go dah wan wedn paaty fi fiil bad? Dehn no gwain du dat nontaim so langs di man weh gwain marid dedeh wid dem, no chruut? Bot di die gwain kom wen dehn tek weh di man weh gwain marid fahn dem, ahn den ihn fren dem no gwain iit; dehn gwain ongl faas.

2 Corinthians 12:21

Yees, Ah fried seh di neks taim wen Ah go tu unu, mai God gwain mek Ah fiil shiem fronta unu; ahn Ah gwain baal fi plenty a unu weh wende liv iina sin, ahn weh no waahn stap sliip roun, ahn weh deh liv slak laif, ahn weh deh los ahn aal dem ada kain a bad livin.

1 John 2:19

Demde kain a pipl weh dah Christ enimy dehn gaan fahn mongs wi, bikaaz dehn dah neva wan a wii. If dehn dah wehn wan a wi, dehn wuda wehn stie wid wi. Ahn, bikaaz dehn gaan fahn mongs wi, dat shuo seh dehn dah neva wan a wii.

Revelation 5:9

Den, di four kricha dem ahn di twenty-four elda dem sing wan nyuu sang, weh seh: “Yuu dah di Lam weh gat di rait fi tek di skruol, ahn brok uopm di siil dem weh wehn faasn shet. Bikaaz dehn don kil yu, bot wid yo blod yu don bai bak pipl fi God. Demde pipl rait yah kom out fahn aal di difrent traib dem, ahn fahn aal di difrent nieshan dem, ahn fahn aal di difrent langwij dem.

Revelation 7:9

Wen dat don, Ah luk agen ahn Ah si wan uova big kroud. Dah wehn so moch pipl seh, nonbady kudn kount aala dem. Dehn wehn kom fahn outa evry nieshan iina di worl, fahn outa evry traib, ahn outa evry pipl ahn langwij komunity. Demya pipl wende stan op fronta di chruon ahn fronta di Lam. Ahn aala di pipl dem wende wier wait goun ahn dehn wende huol paam liif iina dehn han.