Matthew 21:19 - The New Testament in Islander Creole

¹⁹ Ihn si wan fig trii dah di ruod-said, ahn ihn gaan op tu ih, bot ihn neva fain notn pahn ih, ongl suoso liif. So ihn seh tu di trii, “Yo no gwain put out no muo fruut agen!” Ahn siem taim di fig trii drai op!

Matthew 21:19 Iomraidhean Croise

Matthew 21:20

Wen di disaipl dem si weh hapm, dehn wehn uova sopraiz ahn dehn seh, “Dah how di fig trii drai op so faas?”

Mark 11:14

So Jesus tel di trii, “Nonbady no gwain iebl fi iit fig aafa yu agen.” Ahn ihn disaipl dem hier weh ihn seh.

Mark 11:20

Di neks maanin, wen Jesus ahn ihn disaipl dehn wende waak lang di ruod, dehn si seh di fig trii wehn don drai op fahn di ruut.

Luke 3:9

Unu dah laik di trii dem, weh di aks deh pan dehn ruut aredy. Aala di trii dem weh no bier gud fruut, dehn gwain kot dem dong ahn chruo dem iina di faiya.”

John 15:2

Evry lim weh jain aan tu mi ahn no deh bier fruut, him chap aaf, bot aala dem weh bier, ihn trim dem uova kliin so dehn kyan bier muo fruut.

John 15:6

Enybady weh no stie jain aan tu mii gwain bii jos laik dem lim weh dehn chruo weh ahn den drai op. Lim laik demde jos gud fi mek pipl gyada op ahn bon iina faiya.

2 Timothy 3:5

Dehn gwain plie laik dehn deh fala fi wi rilijan, bot riily dehn no waahn God gat non kain a powa uova dehn laif ataal. Timothy, yu no fi miks'op wid demde kain a pipl nontaim!

Titus 1:16

Dehn seh dehn nuo God, bot aal di tingz weh dehn deh du, shuo seh dehn no nuo im ataal. Dehn wikid, ahn dehn no pie non main tu weh God tel dem fi du. So, dehn no fit fi du notn gud ataal!

Jude 1:12

Ahn sieka demde shiemful ahn selfish tingz weh dehn deh du, demde kain a pipl dah laik som doty stien weh spail'op di taim weh unu gat —dah taim wen unu kom tugeda fi iit wid wan anada. Dehn drink ahn laaf til dehn dronk! Dehn dah laik shepad weh fiid ongl demself, insida tek kier a dehn shiip! Demde kain a pipl dah laik dehn kloud weh di briiz bluo uova drai lan, bot no bring non rien ataal. Dem dah laik dehn trii weh no bier notn, nat iivn wen dah taim kom fi pik fruut. Demde pipl, dehn ded two taim bikaaz dehn don dig out fahn dehn ruut!

Revelation 22:11

So, bikaaz taim deh nier, enybady weh deh du bad tingz, gwain kiip aan deh du wosa tingz. Ahn enybady weh deh du dehn doty livin, gwain kiip an deh du'ih wosa. Bot enybady weh deh du rait, gwain kiip aan deh du'ih beta ahn beta. Ahn enybady weh deh waak aal di taim wid God, gwain kiip aan deh waak wid God muo kluosa stil!”